VOV4.K’ho - ~hăp `har mờ broă lơh đoàn, đềt mềr mờ ơruh pơnu tàm [òn là ală bơta geh tơngo\ loh làng ngan tu\ đơs tus mờ bi Y Arôn, Phó Bí thư đoàn xã Thuận An, kơnhoàl Dak Mil, càr Dak Nông.

Bi Y Arôn sùm rơcang tam gơl pa broă lam sồr mờ uă broă lơh, di pal mờ bơta geh bal mờ broă kơ\p kờ` bơh đoàn viên ơruh pơnu dê, bơh tu\ hơ\ neh hòi jà gal đoàn viên, ơruh pơnu tus bal tàm ală broă lơh Đoàn dê.

                           Ơruh pơnu tus bal pơs wàs kloh niam gùng lòt tàm [òn

Di mu\t nam pa 2018, ală he iăt Bi Y Arôn yal bè gùng dà tus mờ broă lơh đoàn bal mờ broă tơrgùm ơruh pơnu, kung bè ală broă rơcang lơh tàm nam pa 2018.

- Niam să bi Y Arôn, ơ bi? Lơh bè lơi mờ bi gơs là cau lam bồ ơruh pơnu `hăp `har ngan bè tu\ do?

Bi Y Arôn: A` tus mờ broă đoàn ơruh pơnu bơh tu\ gam bơsram cấp 3. jơh bơsram cấp 3 a` lòt bơsram tai, hơ\ sồng rê tàm do geh chi bộ [òn rơwah lơh Bí thư chi đoàn [òn Bu Dak. Tu\ hơ\ a` ờ khin ngan, ờ khin ntào tềng đăp gal cau, tơnơ\ mờ 1 tơngai lơh broă đoàn den a` neh khin rơlao.

A` sền wơl geh 1 bơta là boh bơr tềng đăp mờ ală bơyô ơruh pơnu den he pal pin dờn mờ nùs nhơm să tòm den hơ\ sồng ală bơyô dờn mờ sền ngềr. Den tàng rơhời a` neh koèng rơlao mờ lam sồr geh uă ơruh pơnu, đoàn viên tàm [òn tus bal mờ ală broă lơh đoàn dê.

                                     Ală klao pơnu dong kờl làng bol tờ rơbòng dà

- Bè hơ\ jăt bi kơlôi, kal ke ngan tàm broă lam sồr ơruh pơnu tus bal mờ broă lơh đoàn là bè lơi?

Bi Y Arôn: Bơta kal ke ngan tàm broă lam sồr ală bơyô tàm [òn tus bal broă lơh đoàn là ală bơyô ờ wă mờ ờ g^t loh gơnoar bơh broă lơh đoàn dê. Den tàng sơnrờp ngan là lam sồr geh 1 nă bơyô tus bal den bơyô hơ\ tơnơ\ mờ hơ\ geh jà bal tai 1 nă bơyô ndai, bơyô hơ\ go\ broă lơh đoàn dê geh kuơ, chờ hờp mờ uă broă lơh niam den ală ơruh pơnu tus bal uă rơlao mờ broă lơh geh cồng nha rơlao.

- Lam sồr ơruh pơnu tus bal mờ broă lơh đoàn neh kal ke, gàr kờ` geh ơruh pơnu pơnu tus bal sùm mờ broă lơh đoàn sơlơ kal ke rơlao, mơya bi neh geh cồng nha jơh 2 bơta do. Mbè bi lah tàng geh cồng nha bè hơ\?

Bi Y Arôn: Tu\ neh koèng mờ broă lam sồr ơruh pơnu den he pal g^t nùs nhơm kơlôi sơnơng, broă kờ` gơboh bơh ală bơyô dê. Geh bơyô den pràn bè tàp pràn să jan, geh bơyô den chài bè đơs crih tamya, geh bơyô den jăk bè lơh sa.

Bơh tu\ hơ\ a` lam sồr mờ jào broă ală bơyô hơ\ in. Bơh tu\ hơ\, geh broă lơi bơh chi đoàn [òn lam sồr kung [uơn, ơruh pơnu gam tus bal mờ ală broă lơh [òn lơgar, broă lơh mpồl; cau ùr tai…

- Geh g^t, xã Thuận An neh geh là tiah gơbàn ờ niam ngan bè mpồl bơtiàn kung bè broă ơruh pơnu dờn jơnau bơchồt dô gan nhàr dà lơgar tus lơgar Campuchia. Tu\ do, broă do neh ờ geh tai. Bè hơ\, gơnoar bơh broă lơh đoàn tàm broă lam sồr ơruh pơnu bơh tàm bơta gơbàn tìs rê lơh broă sa, kis đềt mềr mờ [òn lơgar là bè lơi?

Bi Y Arôn: Di lah ơruh pơnu geh bồ tơngoh kơlôi sơnơng ờ di mờ ờ niam den chi đoàn [òn di tu\ lam sồr, mblàng ơruh pơnu hơ\ in wă kờ` ba` dờn mờ jơnau bơh cau ờ niam bơchồt. Tu\ do mpồl bơtiàn neh tơnguh bơtàu, chi đoàn bol a` sùm pờ internet, l^p ală sră nggal geh jơnau cih niam, geh kuơ ai ală bơyô in cèng sền kờ` ală bơyô geh rài kis mờ wă rơlao bè gùng dà broă lơh bơh dà lơgar he dê.

- Di bè hơ\, broă ai gùng dà ơruh pơnu in tơnguh bơtàu lơh broă sa, tàm hơ\ kuơ màng ngan là ơruh pơnu kòn cau den bè lơi?

Bi Y Arôn: A` là cau lam bồ lài den a` pal lam lài tàm ală broă lơh, lam lài den hơ\ sồng ală bơyô đòm jăt mờ lơh bal. geh 1 bơta mùl màl là uă ơruh pơnu kòn cau mìng kơlôi mờ broă geh tềng đăp măt, ờ hềt kơlôi jrô ơnàng, mìng kờ` geh mơ là tơl ờ hềt geh kơlôi tus mờ rài tơnơ\ do tai.

Kung geh uă cau ờ hềt g^t mờ broă mờng chài pa tàm broă tơnguh bơtàu lơh sa, bè ngui phơng sih bè lơi, tòm bơkiar bè lơi kờ` geh cồng nha, ha là tam bơrlu\ bal kờ` tơnguh tai broă lơh sa tàm 1 bă ù.

Jăt a`, kờ` ơruh pơnu kòn cau lơh ngan tơn jơh jơgloh rơ[ah den pal bơsram mờ broă mờng chài tàm broă lơh sa, mpồl đoàn geh lam ală bơyô tus sền mờ bơsram bal broă lơh bơh ală ơpruh pơnu cau yoan kờ` ală bơyô bơsram bal. Mờ ală bơyô kung pal lơh ngan is, bơsram is, jòi kờ` g^t is broă lơh sa bơh ală bơyô ndai, să tòm sơlèt is kờ` lơh pas, ba` kơ\p gơn.

- Nam pa do, xã Thuận An geh uă bơta niam geh bơh ơruh pơnu tàm xã lơh. Bè hơ\, tàm nam tus, broă lơh đoàn xã dê bè lơi?

Bi Y Arôn: A` kơ\p kờ` broă lơh đoàn tàm xã tơnguh bơtàu rơlao tai bè ală broă tàp pràn să jan, tơnguh bơtàu lơh broă sa. A` kờ` lơh pơrơh pơnu in pal pràn rơlao bè ală broă lơh. A` geh ai gùng dà, ală rơndăp broă lơh tàm nam tus kờ` broă lơh đoàn geh lơh geh cồng nha rơlao, ai đoàn tơnguh bơtàu tơl ală bơta, tơnguh ală bơta pràn ơruh pơnu dê.

Kờ` pah dơ\ tu\ cau lơi đơs tus ơruh pơnu xã Thuận An, den cau kah tus broă lơh `hăp `har, pràn kơl dang, lơh broă sa tơnguh bơtàu, broă tàp pràn să jan, đơs crih tamya sùm pràn, nùs nhơm bổ tơngoh chính trị sùm kơ\ dơn, đơs niam là tơnguh bơtàu tơl ală bơta, 1 nùs 1 nhơm bal.

- Ơi dan ưn ngài ală jơnau mờ bi neh yal mờ kơ\p kờ` bi lơh geh cồng nha jăt mờ jơnau kơ\p kờ` bi dê. Kơ\p kờ` broă lơh đoàn xã Thuận An sơlơ ngai sơlơ tơnguh bơtàu pràn kơl dang.

Cau cih mờ yal tơng^t Ndong Brawl