VOV4.M’nông: Nu\ih nai dak si mro lah nau ma geh âk nu\ih uănh khlay yor păng geh tât n’hâm soan, nau rêh ndrel nau ueh nâp nau rêh bah kon nu\ih. Ndơn saơ ngăn nau nê, tâm âk năm rlau aơ, Ngih săm [u\t Cao đẳng Y tế Dak Lak mro nsôih tâm nau nti\m nti, uănh khlay nau nti\m luh aka sinh viên blau, ntơm ân nu\ih cán bộ nai dak si nkre blau nkre gi\t, to\ng nau u\ch bah nau rêh jêng ba kơi aơ.

Tâm nau kan nti ti\ng nau kan tâm Ngih săm [u\t Cao đẳng y tế Dak Lak. Ti\ng nê, sinh viên mi\n rvê êng nau blau lor ma hăn nti, r[u\n nchră ndrel mbơh nkô| nau geh pă uănh. Nai nti\m mra nti\m ndrel ơh ăp nau kol bah sinh viên. Kan nti\m nti ân nu\ih nti nau  dơi nchrăp êng, blau nau mhe tâm rnôk rgum nau gi\t ân săk nơm. Sinh viên Hoàng Phi Yến Nhi, jrâu Điều dưỡng K1B nkoch:

‘Gâp mhe lôch nti môm sinh-hoá. Gâp u\ch ngăn nau nti aơ yor kơt ti\ng nau nti\m nti ueh, so\k sinh viên [ư nau tơm gay [ư njêng ân sinh viên kơt ti\ng ăp nau tă dơi blau bah săk nơm”

Hôm nau nti [ư kơt ngăn kơl săm rnôk mô hôm so\ n’hâm tuần hoàn, ngih săm [u\t ho\ nchrăp tay nau kan điện tử ân sinh viên kơt [ư. Ti\ng nê, nau kan nu\ih ji mra geh do\ng đah máy tính, rnôk sinh viên [ư nau so\ n’hâm, nau geh jêh nti mra geh chấm nkre đah máy ndrel mpơl nkre tâm mpông máy tính. Nau kan aơ kơl an nu\ih nti\m nti nau năl ngăn mpeh nau blau bah sinh viên, nkre, sinh viên ko\ rgâl êng, [ư jêh nau blau kơl nu\ih bah nơm.

Ngih săm [u\t Cao đẳng Y tế Dak Lak geh ndâk tâm khay 10/2016 tâm nau n’hao tă bah ngih săm [u\t Trung cấp y tế Dak Lak. Ntơm bah 40 năm ndâk njêng ndrel hun hao, Ngih săm [u\t Trung cấp y tế Dak Lak ho\ nsôih [ư ân jêh ăp nau dơi bah N’gâng kan nti\m nti, N’gâng kan dak si gay n’hao jêng ngih săm [u\t Cao đẳng, đah nkô| nau n’hao nau blau nti\m ndrel nti, to\ng dơi nau u\ch nu\ih kan ân ngih dak si ndel nau rêh. Wa Dương Chí Uý, Hiệu trưởng ngih săm [ut Cao đẳng Y tế Dak Lak, ngơi:

‘ Geh âk nkô| nau nchrăp ndrel nau u\ch geh dơi yơn geh 3 nau nchâp tơm khlay gay to\ng u\ch. Ngoai lah ntu\k ngih vâl, rnoh têh hvi bah ngih săm [u\t ti\ng nau ntru\nh lah 5ha. A[aơ ri ntu\k nti\m nti 1 bah ngih săm [u\t lah 1,7 ha, ntu\k tal 2 ho\ geh UBND n’gor ân [ư lah 6 ha Nau tal bar lah mpeh nu\ih nai nti\m, gay đăp mpăn mpeh nau blau nau kan nti\m nti ti\ng nau ntru\nh bah năp nơh lah N’gâng kan nti\m nti ndrel a[aơ lah Bộ lao động. Tal pe lah mpeh ndơ nchrăp do\ng nti\m nti, gay đăp mpăn to\ng ti\ng di nau ntủ\nh gay pơk nau ngih nti cao đẳng”.

A[aơ, Ngih săm [u\t Coa đẳng Y tế Dak Lak dôl nti\m nti 700 sinh viên hệ cao đẳng, ti\ng 3 chuyên ngành, geh: Điều dưỡng, hộ sinh ndrel dược. Tâm rnôk nti\m nti, ngih săm [u\t mrô [ư ti\ng nkô| nau “Nti ndrel ndrel đah nau kơt ti\ng”, yor ri, ăp sinh viên geh nchrăp ndrel nau blau nti\m nti ndrel nau blau kan ngăn. Rnôk sinh viên [ư nau kan ngăn geh 60% nar nti\m nti. Êp ăp nar nti klơ ngih săm [u\t, ngih săm [ut lo\ pơk trong nơih ân sinh viên hăn ti\ng kơt nti tâm âk ngih dak si gay geh nau blau đah nau kan, to\ng dơi ueh lơn nau  kan jêh lôch nti. Sinh viên Giàng Mí Quảng, Jrâu Y sĩ K18A ngơi:

TĐ: ‘Gâp saơ nau nti\m nti geh nau ueh ngăn, yor jêh rnôk nti tâm ngih săm [u\t ma geh kơt ti\ng nkre ri nê ko\ lah du tơ\ geh nti\m nti gay ân gâp nkah tât nau tă nti ueh lơn. Rnôk hăn kan ngăn, kơl gâp mâp ngăn đah nu\ih ji, kơt [ư ăp nau tă geh nti tâm ngih săm [u\t tâm nau ngăn, tă bah nê kơl gâp lơn ma u\ch nau nti bah nơm lơn”.

To\ng dơi nau u\ch bah ngih săm [u\t Coa đẳng, Ban gáim hiệu ngih săm [u\t năl nau nti\m nti lah nau khlay ngăn. Ngih săm [u\t Cao đẳng Y tế Dak Lak a[aơ geh 111 nai nti, tâm nê 45% nai nti geh nti Thạc sĩ hao go\ lơ. Gay [ư jêh nau an tâm rơh mhe, nu\ih nai nti mro n’hao nau blau nti\m nti bah săk nơm.

Thạc sĩ Tạ Thị Nhất Sương, Kruanh Khoa Khoa học cơ bản, Ngih săm [u\t Cao đẳng Y tế Dak Lak ân gi\t tay:

‘Ngih săm [u\t geh âk ntrong kan gay bonh đă, ndrel nti\m nti pơk trong ân nai nti gơih nau kan lơn tâm nau kan kơt ti\ng nau kơl n’hao nau nâp blau ân rmôt nai nti\m, ăp năm dăch aơ, ăp năm ngih săm [u\t ko\ geh ntơm 1-2 nai geh hăn râng nti jrâu kơt ba kơi Đại học, chuyên khoa 1, 2. Tâm năm ri [a [aơ [ư ăp jrâu nti\m nti n’hao nau blau ân nai nti”.

Đah nkô| nau nti\m nti ân luh cán bộ nai dak si blau ngăn, kơl ân ueh ân nau mât chăm n’hâm soan [on lan tâm ba kơi tă, Ngih săm [u\t Cao đẳng Y tế Dak Lak dôl nsôih to\ng dơi ăp nkô| nau ngih săm [u\t nâp nâl, nau kan tơm bah neh dak lvang năm 2017-2020, r[o\ng tât ân kơt ti\ng nau blau bah ăp dak tâm nkaưl ASEAN ndrel ăp dak hun hao rmôt G20. Ndrel gay [ư ân dơi ăp nkô| nau aơ, ngih săm [ut gay n’hao lơn tay nau nâp nti\m nti gay n’hao nu\ih nai nti geh nau blau jêh lôch Đại học ntơm 50-70% nau nti geh nau blau lam ntur neh, rgâl mhe, kơt ti\ng nau nti\m nti ueh mhe, geh nau kơt ti\ng prêh, tong dơi nau u\ch do\ng ngăn bah nau rêh jêng dôl gu\ kâp./.

Nu\ih rblang: H’Thi