VOV4. M’nông: Tĭng nău mbơh bah Bộ Y tế Campuchia kêng măng 9/4, dak dja năl geh tay 576 nuĭh ji Covid-19, n'hao lĕ rngôch nuĭh ji lam dak rlău 3.600, tâm nê geh 24 nuĭh khĭt. Aơ lah rnoh nuĭh ntưp ji dŭt mhe tâm du nar kơp ntơm bah rnôk nuh srê Covid-19 ntoh luh ta Campuchia tât aƀaơ. Rnoh âk ndal dja dơi năl lôch rnôk ăp tơm nuh srê mhe geh ta thủ đô Phnom Penh. Nău dja ƀư klach rvê mpeh nău dơi rdâng lơh nuh srê bah lam trong kan dak si ta Campuchia. Thủ đô Phnom Penh aƀaơ lah ntŭk geh rnoh nuĭh ntưp Covid-19 dŭt âk đah 2.216 nuĭh. Ta năp nô nău nuh srê Covid-19 nar lơn ma krit jêr, Chính phủ n'hanh ăp n'gor dôl nsrôih dŏng ăp trong njrăng n'gang  nuh srê kơt: mpăng hăn đah ăp n'gor, mpăng rgum âk nuĭh, ntĭl mpông ăp ntŭk rgum pâl rlưn, nkual pâl nđaih./.

Nuĭh rblang: Điểu Thân