VOV4.M’nông: Ta ntu\k kan Chính phủ, Thủ tướng Nguyễn Xuân Phúc ho\ pah kan đah rđau kan du đê| n’gâng kan, ntu\k kan ndrel ăp ntu\k kan tăch rgâl bôk năp bah Việt Nam tâm nau kan văng sa, ngăn lah ntu\k kan văng sa tăch rgâl pơk êng, gay djăt ăp rđau kan, N’gâng kan công ty “mbơh nau”, ntoh luh ăp nau kan ân geh doh rklaih kơl an ntu\k kan tăch rgâl rlet rlau nau jêr tâm rnôk srê Covid-19. Thủ tướng lah rjăp nau kan, srê ji [ư ân nơm mâp nau jêr rlau n’gul ri nơm ân nsrôih tât 3.

Ta nar pah kan, ăp rmôt kan tăch rgâl têh ntoh măt ân ăp nau kan bah jâng văng sa ko\ geh Thủ tướng Chính phủ jă ntoh nau ngơi, tâm ăp nau kan tuch tăm, công nghệ prêh, công nghệ mbơh nau , pâl n’aih, neh ntu, ngân hàng, pă tăch rai…

Nau mbơh kloh ma ăp ntu\k kan tăch rgâl geh mbơh nê lah bol ma geh nau khuch yor srê Covid-19, yơn ăp rmôt kan tăch rgâl ko\ ntoh nau tâm pă nau jêr đah Chính phủ, mra nsum ty, hăn nsum ma Chính Phủ tâm nau [ư nau kan bar tơ\, nkre rdâng srê ân nâp, nkre ân geh ăp nkô| nau mpeh hun hao văng sa năm aơ. Săk ăp ntu\k kan tăch rgâl ko\ kuăl jă ăp cán bộ, nu\ih pah kan ndrel kơl an, pă kơl ăp nau jêr ndrel ntu\k kan. Wa Nguyễn Thị Nga, Kruanh rmôt kan BRG, ntu\k kan geh 2.200 nu\ih pah kan ân gi\t, ntơm rnôk geh srê, rmôt kan aơ ho\ khuch nklăp 100 rmen, yơn rmôt kan hôm năl lah mra kơl mbăk ăp nau jêr aơ đah neh dak ndrel ân gi\t:

‘ Nau ngăn tâm rnôk aơ, ăp rmôt kan tăch rgâl Việt Nam, kônh wa nu\ih Việt Nam tâm dak ba dih, ăp rmôt kan tăch rgâl bah lam ntur neh du\t n’hâm rnê ngăn Chính phủ ndrel neh dak Việt Nam phung he. Âk neh dak tâm dăch ndrel dăng lơn ma nơm, ăp nau kan ko\ mô dăng kơt ma nơm ơm. Dăn mbơh nau mi\n bah phung hên lah du\t n’hâm đăp mpăn ndrel nsrôih ndrel Chính phủ ndrel ăp N’gâng kan, ntu\k kan gay mât nau ê nkra ndrel mât kan pah ân nu\ih pah kan gay ma lôch bah srê ri hun hao dăng tay”.

Lah rjăp tâm rnôk a[aơ, nau rnơm bah nau rêh jêng lah nau khlay, Wa Đỗ Minh Phú, Kruanh rmôt kan Doji nkre lah Kruanh Tienphongbank ân lah, ntu\k kan ndrel nu\ih [on lan rnơm ngăn tâm nau nsrôih bah Chính phủ tâm nau njrăng rdâng srê ndrel ntru\nh mbơh nau bah Thủ tướng tât đah ăp N’gâng kan, nu\ih kan. Tâm nau kan pâl n’aih, wa Nguyễn Quốc Kỳ, Tổng Giám đốc Vietravel, ân lah, yor geh nau jêr jo\t yor ri ma ăp ntu\k kan pâl n’aih ân geh nau kơl an tơm prăk. Hôm đah nau kan bah ăp ntu\k kan tăch rgâl, pâl n’aih, wa Nguyễn Quốc Kỳ ân lah:

‘Phung hên u\ch lah rjăp nau kan bah VCCI (Jrâu kan tăch rgâl ndrel Công nghệ Việt Nam) ndrel rmôt kan tăch rgâl. VCCI mhâm nau [ư tâm rnôk aơ, aơ kah ntu\k kan bah rmôt tăch rgâl ân ntoh n’hâm nơm kơt lah du ntu\k kan bah rmôt kan. Hôm rmôt kan tăch rgâl geh trong ndeh mpăr, gu\ rlu, ngân hàng, mhâm lah phung he mô ký ton nsum, tâm ton tâm kơl gay ma njêng du ntrong kan têh. Nau săk rnglay nsu\nh tâm du hê bu nu\ih ndrel nu\ih nê mra tâm pă ân lam ntrong kan”.

Ntoh nau ngơi tâm nar pah kan, Thủ tướng Nguyễn Xuân Phúc rnê prêh ngăn ăp rmôt kan tăch rgâl ho\ ntoh nau blau bah Việt Nam, blau rklaih ăp nau jêr, geh n’hâm “rdâng châl” ueh, nchrăp luh du nau kan tâm rnôk nau tât jêr a[aơ. Thủ tướng ân gi\t, Chính phủ mra djăt ueh nau kan ân jêh, pơk trong nơih lơn ân săk rnglay lơn ân ntu\k kan tăch rgâl hun hao. Tâm nê, Thủ tướng rnê ngăn ăp rmôt kan mpeh 3 nau đă khlay tâm rnôk aơ, nê lah pơk trong nơih ân hun hao, đăp mpăn rêh jêng ndrel rdâng srê ân ueh. Thủ tướng klah rjăp, bơi tât 800 rbăn ntu\k kan tăch rgâl bah Việt Nam lah ăp “ntu\k n’gâng” njrăng, rdâng srê ân săk êng bah ăp ntu\k kan ndrel rnăk vâl khân păng. Ndrel ma nau rdâng srê lah rdâng nau tu\p ru\ch, ngăn lah đăp mpăn văng sa.

Thủ tướng ko\ ân gi\t, Chính phủ geh du nau kan rgum đah âk ntrong kan ăp ntil, n’huch nau trok tâm ân ăp ntu\k kan tăch rgâl, n’ăp ma n’huch soay, bảo hiểm, săk kon ân manh, ntoch nar trok rnon, ngăn lah ăp ntu\k kan ho\ geh mâp nau khuch ngăn jêh geh srê. Ti\ng nê, Thủ tướng đă ăp n’gâng kan, ntu\k kan, rmôt kan ndrel n’gor ko\ ân geh nau nsôih hao, nsum ty [ư nkô| nau bar ntil tâm năm aơ:

‘ Du nuih n’hâm srê ji [ư nơm mâp nau jêr âk rlau 2 tơ\ ri phung he ân geh nsôih tât 3. Nê lah nau mi\n gay ma hun hao bah nơm. Ăp ntu\k kan tăch rgâl nơm, ngih kan ntuh kơl mra ntru\t dăng nau kan nê tâm ban ma nuih n’hâm, nau mi\n bah nơm. Gâp rhơn ngăn rnôk saơ lah ăp rmôt kan mô geh mi\n mô nâp ma ko\ geh âk nau kan mhe jêh lôch bah srê, jêh bah srê ri moh nau kan gay ân hun hao. Yor ri, rnôk mâp nau jêr aơ ri lah nau nkhêp gay ma ndâk nau kan tăch rgâl, [ư ueh nau kan mât njrăng, tâm boh ndrel tâm pă mbơh. Gâp đă ăp rmôt kan tăch rgâl ân geh nau nchrăp pah kan ân mro, mô geh koh gưl tâm moh nau tât. Ân geh tay nau mi\n kơt ti\ng nau kan ueh nâp ân nau tâm lơh dăng lơn, leo văng sa bah Việt Nam hao tât bah ăp rmôt kan, n’gâng kan, ntu\k kan tăch rgâl”./.

Nu\ih rblang: H’Thi