VOV4.M’nông:  Năm 2006, Công ty cổ phần nông lâm nghiệp Khải Vi, ta nkuâl Dak Glong, n’gor Dak Nông dơi ndơ\ giao an mât njrăng 2.700ha bri, tâm nê 1.500ha bri kro\ng ta xã Quảng Sơn. Lôch 9 năm, le\ geh hang rhiăng ha bri jêng neh mir bah nu^h [on lan. Wa Trần Trọng Tâm, Groi Giám đốc Công ty cổ phần nông lâm nghiệp Khải Vi an g^t, rơh tâm ndăng mât njrăng bri way duh jêr n’hanh mô tâm ban soan. Tơm prăk kơl n’hanh ndơ do\ng nsong hăn mât njrăng bri bah Công ty dja nar lơn ma đêt, tâm rnôk nê, mpôl ntu\ng lơh si n’hanh nu^h [on lan do\ng âk ntil trong lơh bri, ru\n in neh. Wa Trần Trọng Tâm, Groi Giám đốc Công ty cổ phần nông lâm nghiệp Khải Vi lah:

            “Mât neh bri nar lơn ma jêr jo\t. a[aơ lơn âk mpôl lơh si rdeng ma ndeh honda, phân păng plah blon lôch nê rdeng nchah nchrai jêr nhu\p. Mpôl hên dăn đă Ngih dak gu\ m^n trong kan, phâm [ư gay ntop kơl an nău mât bri ue\h lơn”.

            Bri ndơ\ an doanh nghiệp mât njrăng mô dơi, ndơ\ an n’gâng kan mât njrăng lơn ma klach rvê tay đo\ng rnôk nău dơn kan mât njrăng bri dơh lhoi. Ta xã Quảng Sơn, nkuâl Dak Glong, rlău 10 rbăn ha bri ndơ\ an n’gâng kan  ta ntu\k mât njrăng, tât a[aơ le\ roh n’gul. T^ng wa Ngô Anh Sáng, Groi kruanh Uỷ ban nhân dân xã Quảng Sơn, nkuâl Dak Glong, bri hôm [a [a\ ndơ\ an [on lan nơm mât njrăng ri nklăp geh nău dơi lơn:

            Mâp nu^h [on lan u\ch ro\ng geh dơn bri mât n’hanh râng pah kan mât njrăng bri đo\ng. Aơ lah trong r[o\ng an kônh wa hăn di, u\ch ro\ng mât dơi bri gay mât ue\h ntu\k gu\ rêh lơn. Yơn lah gay nkra he ân nkra t^ng kơn. Dôl jêr jo\t tâm nău geh tơm prăk do\ng gay năl geh dah âk prăk ndơ\ an bri ma thôn [on mât. U|ch ro\ng tâm let năp dơi ăp gưl uănh khlay lơn”.

            Lôch 5 năm, lam n’gor Dak Nông geh tât 26 rbăn ha bri geh lơh n’hang, bơi 50 rbăn neh bri geh pit in mô geh nău way yơn ăp nu^h mât bôk n’hanh nhih pah kan dơi kan bah n’gor nha rvoah rvoăch joi trong nkra rgum gay mât njrăng bri đo\ng. Ơh nău ôp bah nu^h [on lan, wa Đỗ Ngọc Duyên, Giám đốc Sở nông nghiệp n’hanh phát triển nông thôn n’gor Dak Nông lah:

            “Ăp công ty lâm nghiệp, ăp ban mât njrăng bri sa prăk khay Ngih dak n’hanh geh prăk mât njrăng bri, hôm bri ndơ\ an [on lan ăp nkual mpeh dăch kêng bri ue\h, neh ue\h mơ mât dơi. Ndơ\ an [on lan ma neh djơh ri ntu\k so\k ndơ gay ma sa. N’gor njêng đề án giao neh, giao bri an [on lan mât njrăng yơn mô geh prăk. Du\t khlay, n’gor Dak Nông ach o ân ntuh kơl bah Chính phủ lăp, đăp mpăn [on lan gu\, đăp mpăn rnă njrăng, mơ dơi mât neh n’hanh bri”.

            T^ng djăt uănh nău ơh bah Bộ trưởng Bộ nông nghiệp n’hanh phát triển nông thôn Cao Đức Phát ta rơh họp Quốc hội mhe aơ mpeh trong nkra mât njrăng bri, âk [on lan ta n’gor Dak Nông mpơl di nuih n’hâm n’hanh tâm pă ăp jêr jo\t đah Bộ trưởng. Yơn i ngăn roh bri [ư âk [on lan du\t w^ we\ mpeh trong kan mât njrăng bri n’hanh ăp trong nkra Bộ trưởng ndơ\ luh, wa K’Dung, ta thôn 5, xã Dak Nia, thị xã Gia Nghĩa, n’gor Dak Nông dăn đă:

            “Mpôl hên ta Dak Nông a[aơ, nkô| nău mât njrăng neh bri n’hanh mât njrăng bri a[aơ phâm trong [ư mô geh nău dơi tam. Dăn đă bộ nông nghiệp ân geh trong nchrăp. Mô dơn n’gor Dak Nông ma ăp n’gor êng [a [a\ a[aơ neh bri nar lơn ma roh. Nu^h [on lan ta ntu\k du\t ji nuih n’hâm. Mpôl hên lah 1 n’gor mhe njêng ma bri geh mu^h kăl n’hang mpôl hên du\t rngot nuih n’hâm. Dăn đă ăp Bộ trưởng n’hanh Quốc hội uănh khlay nkô| nău bri ta Dak Nông, lơn lah ntu\k rêh bri ta n’gor Dak Nông, ăp n’gor Tây Nguyên”.

            I ngăn bơi 80 rbăn ha bri ta Dak Nông “roh” tâm 5 năm an saơ pah kan mât njrăng bri ân rgâl di tay ngăch bah tor lor trong kan, bah [ư kloh nău dơn kan nsum mpôl, ăp nu^h răp jăp t^ng pháp luật. Geh kơt nê| mơ dơi mât neh bri hôm [a [a\./.

Nu^h rblang: Điểu Thân