VOV4.M'nông: 15 năm bah năp, le\ geh bơi 250.000 rnăk ach o, rnăk dơi kơl n’hanh âk rbăn kon ho\k-sinh viên ta n’gor Dak Nông dơi g^t tơm prăk kơl an bah Ngân hàng Chính sách Xã hội. Knơm do\ng tơm prăk di nkô| nău, geh săk rnglay, jêng le\ rgop kơl nklăp 46.000 rnăk rklaih ach o.

            Rnăk wa Nguyễn Thị Linh, ta thôn Xuân Trang, xã Đức Minh, nkuâl Dak Mil geh nău rêh du\t jêr jo\t. Ăp năm rlău aơ, du hê wa Linh krit jêr mât 9 nu^h kon n’hanh sai way geh kop ji. Ăp kon khân păng jăp gơih hăn nti jêng geh nău dơi âk. Năm 2010, du tơ\ 2 hê kon khân păng lăp nti dơi đại học da dê, rnăk wâl n’hanh băl mpôl kônh wa du\t rhơn yơn du\t rvê đo\ng yor mô g^t bah ntu\k so\k prăk gay rêh an ăp năm khay sinh viên ngai jay.

            Tâm nău rêh nê, tơm prăk Chi nhánh Ngân hàng Chính sách Xã hội jêng kơl ăp kon wa Linh geh prăk năp joi nău rêh n’hanh le\ dơi luh nti đại học.

            “Rnăk gâp du\t ach o ntop đah âk kon đo\ng, ri nơm geh ngân hàng chính sách ntop kơl rnăk gâp manh geh 54 rkeh prăk. Tât khay lah so\k le\ ma prăk mpêt nkrem đo\ng lah 370 rbăn prăk/khay, ri a[aơ 2 hê ho\ nti tât lôch tât du\t n’hanh ho\ lôch nti hôm”

            Lah kruanh rmôt mpêt nkrem manh tơm prăk le\ 15 năm aơ, wa Trần Thị Huỳnh ta thôn Dak Hoà 1, xã Dak Hoà, nkuâl Dak Song way geh âk nău nsing nơm bah kônh wa [on lan. Ăp năm rlău aơ, wa Huỳnh le\ nt^m nti an 40 rnăk tâm thôn [ư ăp săm[u\t gay manh tơm prăk Ngân hàng Chính sách Xã hội n’gor Dak Nông gay ntuh kơl pah kan jan sa, [ư bah ăp nău jêr jo\t tâm nău rêh, đah le\ rngôch rnoh prăk 1 rmen 475 rkeh prăk. Gay mât do\ng ue\h tơm prăk manh, ăp khay, ăp rmôt kơl kan way lor nchrăp trok prăk kon ăp to\ng s^t jrô kan rho\ do\ng Ngân hàng Chính sách Xã hội bah nkuâl Dak Song. Wa Trần Thị Huỳnh an g^t, le\ rngôch ăp nu^h tâm rmôt do\ng tơm prăk di nău kan da dê, âk rnăk le\ klaih rlău ach o n’hanh jêng geh ndro\ng mbơm oi:

            “Uănh nsum ăp nu^h rmôt t^ng [ư du\t jăp, mô an njong rnon rlău ir nar ton. Tât a[aơ rmôt manh tơm prăk bah thôn Dak Hoà 1, xã Dak Hoà rlău dơi ach o du\t âk, tâm nê du đêt nu^h [ư dơi jay têh hvi, ăp ndơ rvăt năp do\ng tâm rnăk gay pah kan ăp to\ng”

            T^ng săm[u\t mbơh bah Ngân hàng Chính sách Xã hội n’gor Dak Nông, 15 năm rlău aơ, nău kan bah nhih pah kan mô rlu hun hao. Tơm prăk do\ng an rnăk ach o manh n’hanh ăp nu^h dơi kơl nar lơn ma hao âk, đah rnoh r^ng hao ăp năm rlău 15%, n’hao le\ rngôch prăk n’gluh an manh tât a[aơ lah 2.147 rmen prăk.

            Tơm prăk dja le\ kơl 246.000 tơ\ rnăk ach o n’hanh ăp nu^h dơi kơl manh gay ntuh kơl pah kan jan sa, n’hao nău geh, nta joi nău kan an hang rbăn nu^h kan; kơl rlău 33.000 tơ\ kon se nti- sinh viên manh tâm rnôk kơt nti. Ndrel đah nê, Ngân hàng Chính sách Xã hội n’gor Dak Nông le\ [ư 2000 mblâm jay tâm ro\ng an nu^h ach o đo\ng.

            T^ng uănh năl bah UBND n’gor Dak Nông, ma tơm prăk bah Ngân hàng Chính sách Xã hội, nău rêh bah nu^h [on lan le\ geh gâl rgâl ue\h, rgop đăp mpăn nô nău wa\ng sa- rêh jêng kon nu^h bah n’gor, rgop hu\ch rnoh rnăk ach o bah n’gor ntơm bah 33% (năm 2004), a[aơ hôm 19,2%. Na nê| lah ho\ geh bơi 46.000 rnăk klaih rlău ach o, tâm nê rlău 13.000 rnăk lah rnoi mpôl đê|.

            Wa Đào Thái Hoà, Giám đốc Ngân hàng Chính sách Xã hội n’gor Dak Nông an g^t, tâm let năp aơ tay, nhih pah kan groi nđôi tay bôk nău kan, nău u\ch tât hun hao wa\ng sa bah n’gor, ntop kơl geh nău dơi lơn đo\ng an nu^h ach o, rnăk dăch kêng ach o n’hanh ăp nu^h dơi kơl êng [a [a\, lơn lah ăp ntu\k nkual jru ngai, nkual n’har bri.

            “N’gor Dak Nông rnoh rnăk ach o hôm âk, [on lan rnoi mpôl đê| hôm âk. Tâm let năp aơ tay mpôl hên ân [ư ue\h lơn đo\ng nău kan mbơh kơl. Lơn lah ta trong kan jut jăng ach o n’hanh rdâk njêng [on lan mhe. Mpôl hên ân ndăn tơm prăk bah Trung ương gay kơl an kônh wa rnăk ach o, rnăk rnoi mpôl đê| dơi tât đah tơm prăk. N’hao dăng pah kan nkoch trêng nt^m nti, kan nsum đah ăp nhih pah kan nt^m nti khoa học kĩ thuật an ăp nkual jru ngai gay kônh wa kơt do\ng n’hao nău geh âk tơm prăk manh. Lơn lah nkoch trêng an ăp gưl tâm dâng gay ăp nu^h [on lan r[ah g^t trong kan an manh prăk bah Chính phủ, Đảng gay an tơm prăk manh di nu^h”

            Đah trong nchrăp n’hanh trong nkra nê, ăp nu^h dơi kơl n’hanh nu^h ach o ta n’gor Dak Nông mbra geh tay trong tât đah tơm prăk bah Ngân hàng Chính sách Xã hội gay hun hao tuch tăm, đăp mpăn nău rêh./.

Nu^h nchih rblang: Điểu Thân