VOV4.Mnông- Ta n’gor Dak Nông, lôch lĕ tă bah, nuh srê ji ndul djroh sŭr châu phi lĕ ntoh tay ta du đê̆ ntŭk. Gay ma njrăng nău ntưp trêng ta âk ntŭk êng, n’gâng kan n’hanh ăp ntŭk kan dôl nsrôih ƀư joi ăp ntrong kkan nchueng rvêl, tâp bôr ăp sŭr geh ntưp srê. Aƀaơ ta Dak Nông lĕ geh 4 nkuăl geh: Tuy Đức, Dak Rlâp, Dak Glong, Dak Song geh ntoh tay nuh srê ji ndul djroh sŭr châu phi.

Tâm nĕ, nkuăl Dak Song lĕ geh saơ ban 5 ntŭk srê ta thôn 5 ta 3 xã Dak Ndrung, Đăk Hòa n’hanh Thuận Hạnh. Ntŭk ntưp srê dŭt âk geh saơ ta rnăk wa Nguyễn Xuân Thủy ta xã Quảng Khê, nkuăl Dak Glong ta mpôl sŭr rlău 80 mblâm lĕ geh 52 mblâm khĭt. N’gâng kan dak si săm ntil rong lĕ geh nău ji tât ntŭk kan thú y nkual IV xét nghiệm n’hanh nău geh năl lah ntưp đah nău ji ndul djroh sŭr châu phi. Tât aƀaơ, ta ăp nkuăl ta Dak Nông mpôl kan têh lĕ ƀư su tâp rlău 160 mblâm sŭr geh ntưp srê đah nău jâk bơi tât 5.800kg.

Nuĭh rblang: Thị Đoắt