VOV4.M’nông – Tĭng N’gâng kan tuch tăm mât rong n’hanh hun hao ƀon lan n’gor Dak Nông, nuh srê pŭn ntô ta ndrôk rpu lĕ geh ta 15 xă, nkuăl têh ta 5 nkuăl geh: Krông Nô, Dak Glong, Dak Rlâp, Dak Mil n’hanh Cư Jut đah 230 mlâm ndrôk ntưp srê, tâm nĕ 5 mlâm lĕ khĭt, an tâp bôr, đah dĭng lĕ 343 kg. Dak Nông geh 31.500 mlâm ndrôk n’hanh 5.200 mlâm rpu.

Dak Nông nuh srê pŭn ntô ndrôk rpu ntưp rêng ngăch

Aƀaơ dôl tâm yan mih, jêng dŭt dơh geh ntoh, ntưp rêng pŭn ntô ta ndrôk rpu. Nău kan tuch tăm n’gor Dak Nông lĕ đă ăp ntŭk ƀa ƀơ uănh nđôi nu nău nuh srê, ntĭm mât rong ndrôk rpu kơt dŏng ăp trong răk rao, puh dak si đah buh môi n’hanh hóa chất. Nkre, ƀư tĭng tâm ban n’hanh lĕ rjăp ăp trong nkhêt rdêl, n’hao groi nđôi, saơ ơm n’hanh mkra lĕ ăp ntŭk srê mhe ntoh, mô an ntưp rêng lam hvi.

Nŭih rblang: Y Sưng Phê Ja