VOV4.M’nông: Rmôt kan văng sa neh dak 737 (tâm Quân khu 5) gu\ kan tâm nkuăl n’har bri Ea Súp, n’gor Dak Lak. Êp nau kan hun hao văng sa, đăp mpăn rnă njrăng, ntu\k kan hôm mât chăm n’hâm soan ân nu\ih [on lan tama n’gor bah nau kan bah Ngih dak si Quân y 737 ta xã Ia Rvê.

Wa Lý Thị Hoàng Anh, ta Thôn 2, xã Ia Lốp, nkuăl Ia Súp, ân gi\t: Le\ rnăk vâl păng ntơm bah n’gor Bến Tre tât xã Ia Lốp, nkuăl Ea Súp, n’gor Dak Lak ndâk njêng văng sa mhe bơi tât 17 năm ma aơ. Tâm nkuăl n’har bri aơ vay geh ăp ntil srê ji, yơn ngai đah nkuăl bơi tât 50 km trong bri, trong hăn ko\ ngai, jêng nau khám săm ji mâp âk nau jêr. Ntơm rnôk geh Ngih dak si Quân y 737 bah Binh đoàn 16 geh ndâk, kônh wa đăp mpăn lơn:

‘Kon sau gâp geh nau ji kơt lah siăk, ji kop duh, ji klơm soh ri ko\ hanư leo khám ta aơ, ta aơ ri ăp nai dak si, y tá bu khám ueh ngăn. Ăp nu\ih nai dak si ta aơ bu ko\ geh máy móc do\ng ân siêu âm, veh điện tim gay khám ueh ngăn. Jêh rnôk khám, ri bu hôm pă dak si mô roh prăk ân nu\ih băl mpôl bah tâm rnăk hên. Ntơm nar geh ngih dak si aơ ri kônh wa ta aơ geh khám [a [ơ, n’hâm soan bah nu\ih [on lan rnơm nê ma geh đăp mpăn”.

Hôm nô Cao Đình Thời, ta Thôn 11, Xã Ia Rvê, nkuăl Ea Súp, ân gi\t: ur sai nô ndrel 2 hê kon jê| lah geh ji kuet ri lo\ hăn tât Ngih dak si Quân y 737 khám yor rnôk khám ta aơ ri mro geh mât chăm ueh ngăn:

‘ Ngih gâp ngai đah ngih dak si xã Ia Rvê nklăp 6-7km, tâm ăp rnôk lah kon se geh nau ji ri hăn khám jêr ngăn, Rnôk geh ngih dak si Tahen ri gâp vay leo kon gâp hăn khám tâm ngih dak si bah rmôt kan văng sa gay ma khám. Gâp saơ ăp nai dak si mât chăm ueh ngăn yor ri ma rnăk vâl hên u\ch ngăn đo\ng. Ntơm nar geh ngih dak si tahen nu\ih [on lan tâm nkuăl aơ geh mât đăp mpăn ngăn”.

Ngih dak si Quân y 737 (Quân khu 5) geh ndâk ntơm năm 2001. A[aơ Ngih dak si geh 20 nsưng săm ji, ăp jrâu êng kơt lah: ntu\k deh oh bê, siêu âm, X quang, điện tim, du ndeh kơl rdeng nu\ih, máy do\ng …Ngih dak si geh biên chế 2 nai dak si, 5 y sĩ, 4 y tá ndrel du hê điều dưỡng…geh âk nau blau, gơih lă kan ndrel ro\ng đah nau kan nơm. Tâm ăp năm, ngih dak si [ư khám, săm ndrel ơh n’hâm soan ân bơi tât 10 rbăn tơ\ nu\ih tâm 2 xã nkuăl n’har bri lah Ia Rvê ndrel Ia Lốp bah nkuăl Ea Súp..

Ndrel đah nau khám săm ji, ngih dak si hôm [a [ơ tâm rgop nsum đah ă ngih dak si tâm dâng, rmôt tahen Biên phòng Dak Lak jur tât ăp thôn, [on ndrel khám săm nau ji ân [on lan, tâm grop gay nkoch trêng ân nu\ih [on lan tâm nkuăl mpeh nau sa, gu\ ân ueh, jut jăng lơi nau rluk mâl ơm kơt lah ôp brah rnôk ji kuet, nti\m kônh wa ndrel njrăng ndrel der nau ji vay mâp.

Thiếu tá Phùng Bá Cường, Kruanh ngih dak si  Quân y 737 ân gi\t: yor lah tâm nkuăl n’har bri, ăp ntu\k khám săm ji ân nu\ih [on lan ê ho\ to\ng,  yor ri ma ngih dak si nkre [ư khám săm ji â cán bộ, nu\ih pah kan tâm ntu\k ndrel kơl ân [on lan lah bu u\cgh:

‘Bah năp nau u\ch bah [on lan, phung hên [ư rgum rgop oh nô hăn kan ri hao âk tay gay [ư ueh nau kan, ngăn lah to\ng nau u\ch bah [on lan, mô ân geh srê ntoh tâm nkuăl. Gay [ư ueh lơn tay nau khám săm ji, rơh tât phung hên ho\ đă tât N’gâng kan neh dak ntuh kơl lơn tay mpeh ngih vâl, rvăt tay máy xét nghiệm sinh hoá, jêh ri máy siêu âm màu, êng nê, lo\ kơl njoăl tât ăp cán bộ, nu\ih kan hăn nti, n’hao lơn tay nau blau [ư nau khám săm ji”.

Wa Trần Thị Lệ Thuỷ, Bí thư Đảng uỷ xã Ia Rvê, nkuăl Ea Súp n’gor Dak Lak ân gi\t, tâm nkuăl n’har bri, rnoh rnăk ach o âk, bơi tât 70%. Nau kan mât chăm n’hâm soan ân [on lan hôm âk nau ê dơi yor ntrong ngih dak si ê geh nâp. Ăp ngih dak si xã mô đăp mpăn mpeh ndơ do\ng ko\ kơt lah nau blau kan. Tâm rnôk nê, ntơm bah nkuăl aơ tât ngih dak si Đa khoa nkuăl Ea Súp trong hăn ngai, [ư nau khám săm ji ân [on lan ê năn. Ntơm rnôk geh Ngih dak si Quân y 737 nau khám săm ji tâm nkual geh rgâl, nau khám săm ji ho\ geh đăp mpăn:

‘Tâm xã ri hvi ngăn rnôk knu\ng geh du ngih dak si xã ri mô dơi đăp mpăn ân nau khám, săm ji, kơl nu\ih năn ân kônh wa tâm nkuăl. Kan geh ngih dak si Quân y ho\ kơl an ueh ngăn ân nau khám săm ji, pă dak si ân nu\ih [on lan tâm 2 xã. Măng mô lah nar, nar prau mô lah nar pơh ri oh nô cán bộ bah Ngih dak si ko\ khám săm ji ân nu\ih [on lan đo\ng. Kan ngih dak si bah rmôt [ư nau kan văng sa tâm nau kan khám săm ji ân nu\ih [on lan tâm nkuăl”.

Bơi tất 20 năm tâm dăch đah nkuăl n’har bri Ea Súp, n’gor Dak Lak, Rmôt [ư nau kan văng sa neh dak 737 (Quân khu 5) ho\ rgop nau khlay tâm hun hao văng sa-rêh jêng tâm nkuăl. Kan ndâk ngih dak si Quân y 737, đah ngih vâl, ndơ do\ng to\ng ăp ho\ kơl an ueh ngăn ân ngih dak si tâm dâng tâm nau khám săm ji bôk năp. Ngăn lah, dadh rmôt nu\ih nai dak si tahen geh âk nau tă blau kan, nuih n’hâm gơih gi\t, lơn ma ntoh nuih n’hâm tahen-[on lan tâm grop, [ư ueh tay rup gui ndrel nau ueh bah tahen Wa Hồ tâm nau kan bah nơm./.

Nu\ih rblang: H’Thi