VOV4.Mnông: Ta n’gor Daklak âk rnoh neh cà phê bâh [on lan dôl du\m âk nchrăp ta yan pe\ lêh. Aơ lah rơh ma mpôl ntung way hăn lêh ntung cà phê bâh [on lan. Ta xã Đăk Phơi, nkuăl Lăk, n’gor Daklak, gay ma kơl an [on lan mât ueh cà phê tâm khay pe\ lêh, ntop mât đăp mpăn rnă njrăng, đăp mpăn ta ntu\k. n’gâng kan xã nt^m đă mpôl kan têh [ư ua\nh nđôi, ua\nh năl njrăng nău ntung cà phê tâm khay pe\ lêh.

Bôl ma mir cà phê rlău 1 ha bâh rnăk vâl dôl du\m âk yơn nô Triệu Văn Tinh ta thôn Cao Bằng, xã Đăk Phơi, nkuăl Lăk hôm nha ê ho\ lêh đo\ng. nô Tinh an g^t, rnă njrăng mât đăp mpăn a[aơ du\t jăp, rnăk vâl đăp mpăn an cà phê du\m le\ ta tơm mơ lêh du tơ\. Kơt ne\ nkre ma bah hoach prăk đă bu lêh nkre lah tăch đah rnoh khlăy đo\ng:

“A[aơ le\ tât khay pe\ lêh, công an viên, công an xã lôch ne\ rmôt mom ndăm bâh 5 tât 7 nu^h măng nar hăn ua\nh nsong mât drăp ndơ an [on lan, gâp đăp mpăn đo\ng. khâ păng hăn kơt ne\ he nơm saơ mô rvê nău roh bu ntung ndơ tay”.

Xã Đăk Phơi geh rlău 600 ha cà phê tăm lam 11 thôn, [on. Gay ma mât euh ndơ tuch tăm khay pe\ lêh, công an xã Đăk Phơi way jur ta ntu\k mbơh tơih, rgo\ jă [on lan n’hao nău mât njrăng, dơn g^t nău mbơh bâh [on lan nkoch tay. Ta ăp thôn, [on, công an xã le\ njêng jêng ăp rmôt kan, mpôl rnă njrăng tâm rgop đah nu^h [on lan ua\nh nđôi mât ueh tơm tăm drăp ndơ [on lan. Wa Lục Văn Việt, groi kruanh công an xã Đăk Phơi an g^t, gay ma dơn nău mbơh bâh nu^h [on lan, điện thoại di động bâh ăp oh nô công an xã pơk máy le\ măng nar. Ăp măng mpôl kan pă mbơh 4 đồng chí [a [ơ kâp chăm ta thôn, [on [ư ua\nh nđôi. Nkre lah, công an xã đă ăp ntu\k tăch ndơ, ntu\k rvăt tiu cà phê ta ntu\k ton mô rvăt tăch cà phê geh bu ntung.

“Yan cà phê aơ, mpôl kan công an xã le\ geh nău ntru\nh mbưh an ăp ntu\k tăch cà phê mô rvăt cà phê hôm nha rêh, mô rvăt cà phê bu tăch ta măng. An ăp rnăk tăch rvăt tâm ton ta nău nchih ton bâg xã ndơ\ mbơh, ăp rnăk i [ư tih rvăt cà phê ntung n’hanh cà phê hôm rêh ir mbra geh rmal”.

N’hao nău m^n kan lor, âk đoàn viên, mom ndăm xã Đăk Phơi le\ nsrôih tât râng tâm rgop đah công an xã n’hanh [on lan ua\nh nđôi, mât ndơ tăm. Nô Hoàng Trường Giang- Bí thư Đoàn xã Đăk Phơi an g^t, bâh nău tât râng bâh đoàn viên, mom ndăm ăp nău tih kơt lah ntung drăp ndơ, ntung ăp ndơ do\ng, ngêt ndrănh bia, hăn ndeh ngăch [ư mô đăp mpăn ta thôn [on le\ huch âk.

“Nchrăp an yan pe\ lêh an [on lan r^ tâm rmôt đoàn viên, mom ndăm le\ tâm rgop đah rnâng kan mât kan êng thôn, [on, công an viên [a [ơ ua\nh nđôi, ua\nh njrăng ta du đê| ntu\k tơm. Gay ma mât đăp mpăn an [on lan ta khay pe\ lêh, ngăn lah yan cà phê tâm ban kơt mât đăp mpăn rnă njrăng”.

Ta meng rgo\ jă nu^h [on lan n’hao nău g^t njrăng, ngăch saơ rmal nu^h tih, rmal ăp nu^h ntung cà phê. UBND xã Đăk Phơi hôm nha nt^m đă công an xã nchih săk ăp nu^h ta ntu\k đă bu kan tâm yan pe\lêh gay ma dơh ua\nh njrăng, mô an nu^h ntung lăp ntung cà phê bâh nu^h [on lan. Nkre lah xã rgo\ jă ăp rnăk [on lan mô lêh play cà phê hôm nha nse [ư n’huch nău geh, khuch khat mpeh wa\ng sa. Wa Y Krang Liêng Hot- groi kruanh UBND xã Đăk Phơi an g^t, bâh [ư ueh nău kan mât đăp mpăn rnă njrăng tâm ba năp nơh nu^h [on lan le\ đăp mpăn pah kan jan sa n’hanh ăp nău tât mpeh ntung ndơ le\ huch âk.

“Bar pe năm ba năp way geh roh ndơ âk, geh bu k^ch nđâp n’g^ng, lêh cà phê ntung du\t âk, năm ap le\ mô hôm geh. Mpeh nău kan pe\ lêh mbơh tơih an [on lan lêh cà phê i du\m le\ rngôch, mô dơi lêh hôm nha l^t mbra mô khlăy tăch”

Yan cà phê năm 2018-2019 dôl tât.  Đah nău tât râng bâh ăp mpôl kan têh nău rnă njrăng, chính trị, đăp mpăn ntu\k rêh jêng ta xã Đăk Phơi le\ geh mât đăp mpăn, kơl an [on lan geh du yan pe\ lêh đăp mpăn.

Nu^h rblang: Thị Đoắt