VOV4.M’nông: Du trong rlăm mhe ntoh ta n’gor Gia Lai. Ăp nu^h rlăm rgum prăk bah nu^h [on lan, gay khân păng râng tâm trong leo an manh prăk rlăm đa cấp đah nău kuăl lah “ngân hàng cộng đồng Bitcoin”. Trong rlăm mhe, đah deh prăk kon an manh âk le\ kơl khân păng ngăch rgum geh bar pe jât rmen prăk lôch nê nchuăt du. Nău dơh lhoi nuih n’hâm, hưp geh wa\ng sa n’hanh mô g^t wât le\ [ư âk nu^h lăp tâm nău rêh dâk gâng.

            Mô dơi ât rdâng ăp nău nsu\k nsôr mpeh deh prăk kon têh rnôk râng manh prăk rlăm đa cấp “Bitcoin”, wa Trương Thị Thanh Thanh, xã An Phú, thị xã An Khê le\ manh lam ăp ntu\k, kơp le\ ma manh deh prăk kon âk, rgum geh 120 rkeh prăk gay ntuh kơl đah nău mpo\ng rgâl geh nău rêh. Nău dơh lhoi nuih n’hâm, hưp geh n’hanh mô g^t wât le\ [ư wa Thanh le\ roh âk. Ăp nu^h rlăm le\ klu prăk nchuăt roh. Trang mạng an manh prăk rlăm đa cấp “Bitcoin” ntơm nơh păng đă ăp nu^h rlăm pơk uănh a[aơ mô hôm dơi pơk. Tâm rnôk nê, rnon đah prăk me deh prăk kon nar lơn ma hao âk, mô g^t ntu\k so\k gay ma trok. Du\t mêl, wa Thanh joi trong kh^t gay ma klaih săk ma trong nsăt trôm ntu nkh^t săk, yơn lap geh nu^h kơl rêh. Tât a[aơ, rnôk le\ s^t tay nuih n’hâm kơt, wa Thanh nduih tôr:

            “Prăk kaih he ơm le\ mô geh hôm, djăt ma 10 nar ân trok deh prăk kon âk. Gâp m^n joi trong kh^t mơ dơi klaih rnon. M^n kơt nê|, mơ d^ng gâp nsăt trôm ntu. Gâp mô g^t phâm jêng ơm, saơ bu pâl ri gâp râng ndr^ dơm gâp mô g^t hăr máy móc. Saơ geh w\ang sa âk jêng gâp hưp, lah g^t kơt aơ gâp mô nănh râng.”

Wa Trương Thị Thanh Thanh mbơh nău geh bu rlăm

            Ndrel đah wa Thanh, du\t âk nu^h [on lan ta thị xã An Khê n’hanh ăp nkuâl kiău ma, mpeh n’gor Gia Lai, le\ geh rlăm, roh prăk rnôk râng an manh prăk rlăm đa cấp đah nău kuăl lah “ngân hàng cộng đồng Bitcoin”, way kuăl lah FXMT4. Gay râng an manh prăk rlăm, lor bôk năp nu^h pâl ân njêng r[op prăk “Bitcoin” n’hanh ân rvăt du\t n’hâm đê| du Bitcoin” lăp tâm r[op bah ăp trang mạng mô lah rvăt bah nu^h êng. Rnoh khlay 1 Bitcoin” rgâl t^ng ntu\k tăch rgâl n’hanh a[aơ geh rnoh khlay nklăp 13 rkeh prăk. Rnôk gưl bah lơ mbơh râng, nu^h pâl mbra dơi pă an 1 tài khoản kalơ mạng geh ntu\k pơk “fxmt4.us” n’hanh njuăl rnoh prăk bah r[op Bitcoin” lăp tâm nê gay hao “ntu\k tăch rgâl”.

            Gay têk klônh nu^h [on lan râng, ăp nu^h rlăm ndơ\ luh rnoh geh sa hao tât 144% ăp khay. Mô dơn nê, păng hôm ndơ\ luh ăp rnoh nkhôm rnê hao mbrơi t^ng trong dăp âk gưl rnôk ăp tơ\ nu^h [on lan râng jă tay nu^h mhe râng lăp. Ma trong rlăm dja, mô năn jo\ le\ wa\ch rgum hang rhiăng nu^h râng. Rnôk rnoh nu^h râng le\ to\ng têh, ăp nu^h rlăm nchuăt roh ndrel đah ntu\k pơk tăch rgâl rlăm. Nu^h râng, rnôk saơ he geh rlăm ri le\ mô hôm năn. Wa Nguyễn Anh Bình, xã Cư An, nkuâl Đăk Pơ, n’gor Gia Lai, lah:

            “Râng lăp tâm nê mô g^t he dơi so\k tay prăk đo\ng lah mô. He mô g^t khân păng lah moh nu^h, mô g^t nu^h tơm lah moh nu^h. N’hanh rnôk he râng lăp tâm nê ma khân păng ndra ma [ư rlăm ri khuch khat du\t têh. Gâp njrăng đă ăp nu^h dôl geh nău m^n lăp tâm mạng kơt aơ ri ân rlu ngăch d^l”.

            T^ng geh uănh năl bôk năp n’hanh mô ho\ ăp to\ng bah Công an Thị xã An Khê, n’gor Gia Lai, geh nklăp 1.900ID jêng lah geh 1.900 “Bitcoin”. Tâm ban đah nê, ăp nu^h rlăm le\ sa khâm rlău 22 rmen prăk bah nu^h [on lan tâm nkual. Nău du\t nkoch lah, tâm rnoh 300 nu^h le\ nchih rgum dơi lah geh mplư rlăm, geh tât 1/3 tâm rnoh nê mô g^t pơk uănh na nê| ma đă nu^h [ư ndranh mô lah ăp nu^h tơm rlăm nơm t^ng [ư. N’hanh yor ăp nău tăch rgâl [ư kalơ mạng Internet dơm jêng pah kan hăn ôp uănh du\t jêr jo\t. Thiếu tá Nguyễn Huy Hoàng, Groi Đội trưởng đội Cảnh sát ôp uănh nu^h tih wa\ng sa, Công an thị xã An Khê, n’gor Gia Lai an g^t:

            “Ntu\k tăch rgâl rlăm dja ri a[aơ, mpôl hên mô dơi năl máy tơm ah ntu\k gu\ n’hanh nu^h mât uănh mạng mô dơi năl ta n’gor mô lah moh dak đo\ng. Jêng rnôk mạng nt^l mpông ri nu^h [on lan mô dơi rhuăt luh prăk. Bah aơ, Công an thị xã mbơh njrăng lor nu^h [on lan mô dơi râng ntuh kơl prăk kaih âk gưl dja yor nău tât rmoh rman du\t âk. Rnôk ma roh prăk mô dơi ntro\ng năl nu^h mpơl nău tih mplư rlăm ta ah ntu\k gu\ đo\ng gay ma nu^h [on lan lah phong”.

Dơh lhui nuih n’hâm, hưp geh n’hanh mô g^t wât, le\ [ư hang rhiăng nu^h [on lan ta n’gor Gia Lai geh rlăm n’hanh lăp tâm nău rêh dâk gâng rnôk râng tăch rgâl prăk rlăm âk gưl “Bitcoin”. Công an ta ntu\k dôl lăp ôp uănh, yơn nău dơi ôp so\k tay prăk nha [ah ngai ngăn. Aơ lah nău nu^h hưp g^t nhiăl n’hanh lah goh loih mbơh njrăng lor an ăp nu^h [on lan mpeh ăp trong rlăm mhe./.

Nu^h rblang: Điểu Thân