VOV4.Mnông- Tĭng nău mbơh bâh ntŭk kan mât rong n’hanh mât săm ndơ rong n’gor Gia Lai, kơp tât 3 mông kêng măng nar 7/9, lam n’gor geh bơi tât 15 rbăn ndrôk săm bah nău ji sôt ok ntô săk. Tâm nĕ, geh bơi tât 2 rbăn ndrôk bâh rlău 12 rbăn rnăk ƀon lan geh nău sôt ntô săk. Tâm nĕ, geh bơi tât 2 rbăn mblâm ndrôk lĕ khĭt n’hanh su jăng yor mô dăng tâm rdâng đah nău ji, mô lah geh ntưp tay ăp nău ji êng kơt lah: ji sôt klơm soh, rchoăl mham.

Mpôl kan têh ndrel đah nuĭh ƀon lah ăp ntŭk lĕ săm bah nău ji an bơi tât 15 rbăn mblam ndrôk. Lĕ geh 34 xã bâh 9 nkuăl, nkuăl ƀon têh mô hôm geh ndrôk ntưp ji, tâm nĕ geh 3 xã Adơk, Trang, Ia Băng ta nkuăl Đăk Đoa lĕ uănh năl dơi mbơh lĕ bah srê. Tĭng nău mbơh bâh ntŭk kan mât rong n’hanh săm ndơ rong n’gor Gia Lai, gay ma dơi geh kơt aơ, n’gâng kan tuch tăm mât rong n’gor Gia Lai lĕ geh bư tâm ban âk ntrong kan njrăng, rdâng nuh srê ta ndrôk tâm ba năp nơh.

Nuĭh rblang: Thị Đoắt