VOV4.M’nông: Rnôk tu\p rnon bah Công ty TNHH du ntu\k kan Hoàng Sang, tâm nkuăl têh Ia Kha, nkuăl Ia Grai, n’gor Gia Lai tâm pơh bah năp nơh lah nau khuch ngăn tâm [on lan, đah rnoh geh kơp khuch bôk năp bah nu\ih [on lan tâm nkuăl lah 30 rmen. Ntơm nau leo tăch, nau njoăl ndơ mô nâp, mô geh nau tâm nchâp đă dôl [ư rnoh nu\ih mâp nau khuch lơn ma ntoch jong. Dak măt bah nu\ih [on lan nkuăl ach o Ia Grai dôl ru\ng, yơn lah ho\ lăn la, yor ăp nau tu\p rnon bah ăp ntu\k rvăt ndơ tuch tăm ta Gia Lai ko\ kơt lah tâm nkuăl Tây Nguyên, nu\ih [on lan dơi so\k lơi rnon lah mô âk.

Nkre lah ngih tâm dăch, nkre lah nu\ih băl ben ho\ bah jo\ năm đah ur sai wa Thái Thị An (deh năm 1973) Giám đốc Công ty TNHH du ntu\k kan Hoàng Sang), bơi tât 10 năm, kơp ntơm rmôk ndâk ntu\k pah kan tât rnôk aơ, tâm ăp năm, rnăk wa Cao Văn Tỉnh (Tổ 1, nkuăl têh Ia Kha, nkuăl Ia Grai) ko\ rnơm, njoăl ndơ tât ma 10 tấn cà phê rnglay ta aơ.

Đah nau mi\n, rnoh cà phê mro hao khlay ndrel đăp mpăn tâm âk năm ma aơ, mra mô geh nau kan ntu\k rvăt ndơ tuch tăm tu\p rnon, năm aơ wa Tỉnh njoăl 10 tấn cà phê an Công ty Hoàng Sang kơp tât nrôk rnoh hao khlay ri trok rnon ngân hành ndrel ntuh kơl yan mhe. Knu\ng tât rnôk ntu\k kan bu tu\p rnon, saơ ma rhiăng nu\ih [on lan tât ta ntu\k pah kan, wa Tỉnh mư ndơn saơ nau rnơm bah păng geh n’gâng ntu\k tih:

‘ Bah a[aơ 3 nar, mô saơ công ty pah kan, gâp ko\ geh nau ntôn rvê đo\ng, yơn gâp mi\n dôl pah kan văng sa geh jêng ri ghâp mô ôp. Gap mi\n công ty mô dơi tu\p ôh, cà phê năm aơ hun hao geh, ntơm bah âk năm đăp mpăn. Rnơm kơt nê ma 3h măng gâp saơ bu tât so\k ndeh klư, saơ ndeh nchuăt tât âk ngăn ri gâp hăn uănh. Nu\ih [on lan kơt gâp aơ lôch năm mô janh do\ng, prăk ngân hàng hôm rnon, trok ngân hàng mô geh prăk sa, a[aơ mô hôm du ntil ndơ gay ma ntuh kơl yan ba kơi”.

Nau êng rđil đah ăp rnôk bu tu\p rnon ntơm nơh ta Gia Lai, rgâl ma nu\ih tu\p rnon luh gay ma tâm nchră ân geh ntrong kan trok rnon đah nu\ih rvăt ndơ, ri wa Thái Thị An ndrel ăp nu\ih tâm rnăk vâl ho\ nchuăt du krap mô saơ joi. Ndrel đah nê, ntuk kan mô geh mbơh lah tu\p rnon, ma knu\ng tât rnôk saơ di\ng le\ ntu\k ân ndơ lhong dơm, công ty ntâl mpông ndrel nsru\ng kan, nu\ih [on lan mư gi\t ndrel hăn tât ta nê ri nau ho\ la.

Ăp nau êng nê [ư nu\ih [on lan tât njoăl ndrel ân manh prăk ta aơ saơ geh nau klach rvê, mi\n lah nu\ih tơm kan ho\ so\k prăk gay ma nchuăt du. WA Trần Thị Dương, tổ dân phố 1, nkuăl têh Ia Kha, nkuăl Ia Grai, dâh bah năp nau roh dơm 7 tấn cà phê rnglay, ngơi tâm dak mắt:

‘ Lah kơt bu mô rlăm, ri ntoh măt bah công ty gay dâk ba aơ gay tâm nchră đah [on lan, ơh nau ân nu\ih [on lan. Lah ê geh ri ntoh măt công ty gay nchih du plơk săm [u\t hôm rnon ân [on lan mô lah lah geh đê| dă ri trok ân [on lan, phung hên geh prăk nê gay ma lo\ ntuh kơl tâm năm ba kơi, mô dơi gehg tu\p rnoh le\ ôh. Bar hê ur sai hên pah kan mir, ndăn nkra ngih, lo\ hăn pah kan ân ma bu, knu\ng [ư cà phê nku\p rnon ri nau geh mô âk ôh. Phung hên hôm mât chăm ân nau rêh rnăk vâl, oh kon hăn nti. A[aơ, rnăk hên  dăch tât nar trok rnon ngân hàng ma ê geh prăk gay ma trok ơm”.

Nau mbơh bôk năp bah ntu\k kan mêt uănh, công an nkuăl Ia Grai ân saơ, êng nau kan ân rlau 240 tấn cà phê, bơi tât 300 tấn grăp điều, ntu\k kan hôm manh tay 9 rmen n’gul đah rnoh prăk hao tât rlau 30 rmen ( ê kơp nau kan manh ngân hàng ma rmen prăk tâm ăp ntu\k êng).

Ndrel ê geh nu\ih dơi gi\t aơ lah rnoh dăch du\t đo\ng lah mô, yor rnoh moh săk nu\ih geh khân păng manh hôm aka ơm. Thiếu tá Phạm Chính Nghĩa, kruanh rmôt Hình sự-văng sa-Ma tuý, Công an nkuăl Ia Grai ân gi\t, nau tu\p rnon bah công ty TNHH du tnu\k kan Hoàng Sang lah nau tu\p rnoh têh ngăn tâm n’gor ân tât rnôk aơ. Ntu\k kan mêt uănh dôl ma ndal [ư kloh nau tih:

‘Giám đốc Công ty Hoàng Sang ho\ du bah ntu\k gu\,k phung hên gay geh nar gay ma uănh lah krap du đo\ng lah mô ri mư di\ng gi\t. Ntu\k kan công ân âk tơ\ nkah đah nu\ih [on lan gay njoăl ndơ bah nơm tâm ntu\k geh bu rnơm, ntu\k kan bah ngih dak, mô dơi njoăl ôh ntu\k kan bu pơk njêng êng”

Nau gay rvê ngăn lah, bol ma ntu\k kan mêt uănh dôl ma nsôih gay [ư kloh nau kan, yơn âk nu\ih [on lan, mô lah ăp ntu\k rvăt ndơ tuch tăm ndơ tuch tăm bah nu\ih [on lan ntơm ăp xã geh nau kan leo tăch, njoăl ma rhiăng tấn cà phê mô geh nau mbơh. Yor khân păng mi\n, lah nau aơ geh bu gi\t mpơl ri têk ndrel du ntrong kan [ư nu\ih [on lan mô janh tât tăch, tât njoăl, ma lah rhuăt lơi ndơ, prăk ta ntu\k kan. Nau aơ dôl ntoh ngăn âk nau mra tu\p rnon jêng ntrong ho\ geh âk tơ\ ntoh ta Tây Nguyên tâm âk năm rlau aơ./.

Nu\ih rblang: H’Thi