VOV4.M’nông: Gay kơl an nu\ih ach o rnoi mpôl đê| geh nau dơi gay hun hao văng sa, rơh rlau aơ, Binh đoàn 15, N’gâng kan neh dak ho\ ntru\nh âk nau kan ngăn tâm nkuăl Đức Cơ, n’gor Gia Lai. Ăp nau kan nê kơl an [ư rjăp lơn nau tâm rnglăp [on lan,tahen, nkre kơl an nâp ueh nuih n’hâm tâm nkuăl n’har bri lơn nâp nâl.

Ăp nar aơ, nau rêh tâm rnăk nô Ksor Blum, ta Thôn Đức Hưng, xã Ia Nan, nkuăl Đức Cơ, n’gor Gia Lai geh ueh m’ak ngăn. Yor nô ndrel 3 rnăk vâl êng tâm Thôn mhe geh Binh đoàn 15 pă du rnăk bar mlâm ndrôk me rnoh 25 rkeh. Nô Ksor Blum ân gi\t, âk năm ma aơ, rnăk vâl nô geh tâm rnoh ach o bah xã. Ăp nau do\ng tâm rnăk vâl ri knu\ng gu\ kâp tâm rlau du ha neh mir. Rnôk ru tâm ăp năm ri jong, yơn nô Ksor Blum mô geh nau kan gay ma ntop geh jêng tâm rnăk vâl. Tâm ăp yan pah pât sa, nô Ksor Blum vay mô to\ng sa.

Yor ri ma rnôk geh ndơn ndrôk, nô Ksor Blum lah, păng mra rgum mât chăm ndrôk ân ueh gay ndrôk ngăch deh kon. Ti\ng nô, aơ lah nau gay nsôih kơl an rnăk nô rklaih ach o:

‘Gay geh ntil ueh, rlet rlau ach o, phung hên dăn ton mra leo nsi\t mât chăm ân ueh gay jêh aơ ân păng deh kon, ân mo hôm geh kơp lah rnăk ach o tay ôh”.

Nsum nau rhơn đah rnăk nô Ksor Blum, hôm geh 30 rnăk ta nkuăl Đức Cơ geh Binh đoàn 15 pă ndrôk ndrel âk rnăk êng geh pă ngih. Ưa Siu Thil, Kruanh Rnâng kan rgo\ jă nkuăl Đức Cơ ân gi\t, a[aơ, rnoh rnăk ach o bah nkuăl lah 17,5%. Tâm nê, rlau 85% lah nu\ih rnoi mpôl đê|. Ntơm năm 2012 tât rnôk aơ, nkuăl tâm rgop nsum đah Binh đoàn 15 pă bơi tât 1.200 mlâm ndrôk ân ăp rnăk ach o. Êng năm 2018, rnoh ndrôk geh pă hao tât 140 mlâm. Ti\ng wa Siu Thil, ndrôk geh pă lah nau kan ueh ndrel tâm di đah nau vay mât rong ndrel tuch tăm bah rnoi Jarai. Nau ngăn ân saơ, âk rnăk vâl jêh geh pă ndrôk ho\ rklaih ach o. Wa Siu Thil ân gi\t tay, ntơm 2 mlâm ndrôk bôk năp, jêh âk năm, geh rnăk ho\ geh rlau ma 10 mlâm ndrôk. Yor ri, mô êng rklaih ach o nâp nâl ma hôm geh ndơ sa ndơ têm:

‘ Rnoi mpôl đê| mpeh nau pah kan jan sa, rgâl nau mi\n gay pagh kan lah nau jêr. Phung he pơk trong nơih ân kônh wa gay tă bah nê geh trong r[ong pah kan jan sa, geh ndơ têm gay pơk trong nơih ân oh kon hăn nti ndrel nau dơi gay pah kan jan sa tâm rnăk vâl”,.

Hăn ndrel đah nau pă ndrôk, nkra ngih, rơh rlau aơ, Binh đoàn 15 ho\ kơl an xã n’har bri Đức Cơ ndâk nkra trong hăn tâm [on lan, nti\m kônh wa tăm ba, rgâl nau mi\n, nau kan. Tât khay hăn nti, ăp rmôt ta ntu\k hôm kơl ndơ hăn nti, kơl an prăk ân kon se ach o gay bonh đă kon se tâm nkuăl. Khay 8 mhe rlau, Binh đoàn 15 ho\ kơl an ậ jêt tấn phe ndrel ma rbăn ndơ sa ân kônh wa pah pât sa tâm ăp xã Ia Nan, Ia Pnon.

Đại tá Hoàng Ngọc Thành, Bí thư Đảng uỷ Groi Tư lệnh Binh đoàn 15 ân gi\t tay, Binh đoàn 15 vay rđau ăp rmôt ta ntu\k nchrăp tâm rgop đah ăp gưl n’gâng kan gay gi\t n’hêl nu nau tâm ntu\k, vay nkoch trêng, mbơh kônh wa [ư ueh nau ntru\nh, ntrong kan bah Đảng, pháp luật bah Ngih dak, rgop nau mât rnă njrăng đăp mpăn, rêh jêng:

‘ Binh đoàn ko\ vay n’hao nau [ư ueh nau kan bonh đă ndrel nau mât rnă njrăng gay kônh wa đăp mpăn mât ueh nau pah kan jan sa ndrel đăp mpăn ndâk njêng nau rêh bah rnăk vâl”.

ĂP nau kan ngăn bah Binh đoàn 15 tâm nkuăl n’har bri Đức Cơ, Gia Lai mô êng kơl an nu\ih ach o tâm nkuăl rgâl nau rêh, pơk luh nau hun hao văng sa ân rnăk vâl ma hôm ntoh ueh ngăn nau ntru\nh [ư nâp ueh nuih n’hâm [on lan, kơl nau mât rnă njrăng đăp mpăn, mât đăp mpăn neh dak tâm nkuăl mpeh ba lơ bah Tây Nguyên./.

Nu\ih rblang: H’Thi