VOV4.M'nông: Rơh bôk năp, [on lan xă Ia Piơr, nkuăl Chư Prông, n’gor Gia Lai tâm ton tăm tao đah Công ty Cổ phần Tao s^k Dak Lak ri mâp jêr jo\t tâm nău tăch. Yan wai tât, âk rnoh neh tao u\nh sa, yơn nău rwa\t bah ngih măy du\t mbrơi, [ư [on lan geh khuch hô.

            N’glâng rgoh uănh mir tao geh u\nh sa le\, wa Phùng Văn Hương, ta xã Ia Piơr, nkuâl Chư Prông, n’gor Gia Lai, an g^t, brăt soan bah rnăk wâl tâm nău rlău aơ kơt lah roh dơm. Le\ rngôch 8ha tao bah rnăk păng geh u\nh sa le\ tâm du kêng măng dơm. Lôch du pơh geh u\nh sa, 8ha tao bah rnăk wa Hương mô ho\ geh nu^h tât hăn rvăt đo\ng, bol păng ho\ joi trong ôp ăp nhih máy dăch ngai:

            “Rnăk gâp geh 8ha ri u\nh sa le\ klor mô hôm du tơm. Tao u\nh sa kơt aơ, kro kơt aơ ma nhih máy khuch khat mô g^t ơm ma mô saơ hăn rvăt an [on lan ri kơt lah jăng dơm, tao kro le\ hôm, a[aơ păt mô hôm luh dak ơm. Tơm prăk manh ntuh kơl le\ tâm mir tao ma a[aơ u\nh sa kơt aơ ri năm aơ mô geh Tết hôm”.

            Ntơm bah bôk khay 11/2017 tât a[aơ, ta xã Ia Piơr, nkuâl Chư Prông geh âk tơ\ u\nh sa tao mbro, đah bơi 80ha tao geh u\nh sa, lơh roh hoach mô đêt an nu^h [on lan kan lo\ mir. Tâm nê geh du đêt neh tăm tao u\nh sa, mô blău tăch, jêng [on lan roh dơm. Wa Nguyễn Xuân Lộ, kruanh thôn Yên Hưng, xã Ia Piơr, an g^t, khay wai ho\ tât jêng geh ma nău u\nh sa tao du\t âk; rnôk ăp tơ\ ho\ geh u\nh sa ri mô dơi puh n’hât bah, yor lhat tao kro du\t dơh u\nh sa, nkre đah sial dăng, chông u\nh [oh dăng.

            “Ntơm mbơh u\nh sa ri n’gâng kan rgum dân quân, [on lan lăp puh n’hât u\nh sa yơn mô dơi puh n’hât yor u\nh [oh du\t dăng. Du rlong u\nh du\t têh nkrum lam n’hanh [oh rêng tât mir êng [a [a\ lah mô dơi rdâng lơh, kơp le\ ma rgum ndeh rklư, dak to\, mô dơi puh n’hât ơm”.

            Năm 2017- 2018, xã Ia Piơr, nkuâl Chư Prông tăm nklăp 350ha tao, hao âk rlău 3 tơ\ rđ^l đah năm bah năp nơh. D^ng nu^h [on lan nănh tăm âk kơt nê| lah tă bah Công ty Cổ phần tao Dak Lak mhe ntrơn nhih máy et tao ta nkuâl Ea Sup (dăch n’har đah nkuâl Chư Prông, n’gor Gia Lai) [ư ký ton rvăt tao an nu^h [on lan xã Ia Piơr. Yơn lah, t^ng wa Nguyễn Thị Trúc, thôn Yên Hưng, xã Ia piơr, nkuâl Chư Prông, rnôk lăp sreh, nău hăn rvăt bah nhih máy mbrơi. Kơp le\ ma rnôk tao u\nh sa l’uh dô, nău hăn rvăt hôm [ư mbrơi đo\ng, [ư roh hoach bah nu^h [on lan nar lơn ma âk. Êng rnăk wa Trúc, geh 5ha tao u\nh sa yơn nhih máy mbrơi hăn rvăt đo\ng jêng roh hoach hang rhiăng rkeh prăk:

            “Lah nhih máy ngăch năn rvăt an nu^h [on lan ri gâp mbra trok dơi 150 rkeh prăk manh bah ngih máy, he mô geh âm rnon ma dơn roh bơi 200 rkeh prăk geh wa\ng sa dơm. Yơn a[aơ nhih máy mô ho\ rvăt ri he geh âm rnon bah nhih máy, le\ rngôch so\k geh mô hôm, kơt lah roh dơm le\ rngôch du năm ndrong. Rnăk gâp rngot ngăn, bar pe nar aơ mô u\ch hăn luh ôh”.

            T^ng wa Bùi Thị Hồng Thắm, Groi kruanh UBND xã Ia Piơr, nkuâl Chư Prông, nu^h [on lan tâm xã tâm ton đah nhih máy tao Ayun Pa (nhih pah kan ta thị xã Ayun Pa, n’gor Gia Lai) ri ăp ntil nău geh ue\h lăng da dê. Rnôk dja ăp năm bah năp nơh, nhih máy rvăt lôch jêh tao an nu^h [on lan. Yơn năm aơ, lor bôk năp nu^h [on lan ký ton đah Công ty Cổ phần tao Dak Lak, ri nău tăch mâp âk jêr jo\t. Công ty dja dơn ký ton na nê| đah nu^h [on lan dơm, ma mô kâp ôp bah n’gâng kan ta ntu\k jêng du\t jêr nkra ăp nkô| nău ntoh luh:

            “Nhih máy Ea Sup pah kan so\ng dăng đah nu^h [on lan d^l jêng roh hoach bah kônh wa du\t têh kơt aơ yơn n’gâng kan ta ntu\k du\t jêr pah kan đah công ty. Lah ma ôp bah n’gâng kan xã, rnôk ký ton đah nu^h [on lan ma ôp dăn bah n’gâng kan xã ri xã hăn pah kan na nê| đah công ty uănh nău ko\ kol, jêr jo\t mhâm jêng gay droh rklai an kônh wa. Yơn nhih máy mô ôp dăn bah n’gâng kan xã”.

            Krit jêr le\ ma năm ta mir ba gay mât chăm an tơm tao săk geh âk, rnoh geh âk, yơn a[aơ, [on lan tăm tao ta xã n’har bri Ia Piơr, nkuâl Chư Prông, n’gor Gia Lai dôl dâk ta năp u\nh n’hâng. Ndrel đah nău tao ju\r thuk, ri nău u\nh sa tao geh mbro đo\ng. Tâm rnôk nê, nău rvăt tao bah nhih máy hôm mbrơi [ư nu^h [on lan nar lơn ma rvê tay./.

Nu^h nchih rblang: Điểu Thân