VOV4.M’nông: Kruanh ntŭk kan Do Thái wa I-sa-ác He-rôc lah Tổng thống tal 11 bah Israel. Wa I-sa-ác He-rôc hŏ ndơn geh 87 phiếu săch tâm rnoh 120 phiếu tâm rơh rƀŭn bah Quốc hội Israel lơ 2/6. Aơ lah rnoh phiếu âk ngăn ma nŭih ŭch geh săch ƀư Tổng thống geh ndơn. Ntoh nau rnôk geh nau dơi, wa I-sa-ác He-rôc mbơh mra mât nau kan bah Israel tâm lam ntur neh, rdâng lơi nau kan Do Thái ndrel mât ân nau ƀư tơm bah Israel kŏ kơt lah ndâk ăp ntung hăn tâm nau rêh bah Israel ndrel nsum mpôl Do Thái gay bonh đă nuih n’hâm tâm boh tăch rgâl. Tổng thống Israel mhe geh năm kan lah 7 năm ndrel ngăn lah mât ăp nau kan yơn geh nau dơi khlay tâm nau rklaih ntrŭnh nŭih dơi geh mât nau dơi ndâk chính phủ jêh rnôk geh ăp tŏ săch kan./.

Nŭih rblang: H’Thi