VOV4.Mnông- Ƀư tĭng nkô̆ mpŏng kan tăm mhe 15 rbăn ha bri ma Nghị quyết Đại hội Đảng bộ n’gor Kon Tum tal 14, năm kan 2020-2025 ngluh mbơh, tât lĕ n’gul khay 9 mhe nơh, lam n’gor Kon Tum lĕ tăm mhe geh rlău 3.600 ha bri, rlău 600 ha đah nău nchrăp mbơh tâm năm aơ.

Tâm rlău 3.600ha bri tăm mhe bâh n’gor Kon Tum, nkuăl ƀon têh Kon Tum lah ntŭk leo bôk năp đah rnoh neh tăm geh rlău 900ha. Ăp nkuăl hôm e lĕ dơi geh n’hanh tăm rlău đah rnoh neh pă an. Gay ma dơi tăm bri, n’gâng kan ăp nkuăl, nkuăl ƀon têh bâh n’gor Kon Tum lĕ rgŏ jă nuĭh ƀon lan tăm tay rnoh neh bri hil yôk, rnoh neh tăm bum, ba mô jêng, ƀư kơl ntil, nuĭh kan, ntĭm nău mât tăm an ƀon lan, rgŏ jă mpôl kan tahen cán bộ nuĭh kan ndrel tât râng tăm bri.

Nuĭh rblang: Thị Đoắt