VOV4.Mnông- Kruanh n’gâng kan tuch tăm mât rong n’hanh hun hao ƀon lan Lê Minh Hoan mhe geh rơh pah kan đah n’gor Hậu Giang mpeh nău pah kan tuch tăm ta ntŭk aơ. Ta rơh pah kan, wa Lê Minh Hoan dăn đă n’gor Hậu Giang ơm geh ntrong kan ƀư rgâl nău mĭn pah kan jan sa tuch tăm nău mĭn wăng sa tuch tăm gay ma n’hao nău khlăy ndơ geh an ƀon lan kan lŏ mir. Tâm nĕ, mô dơn geh tăm êng du ntil tơm ma geh nău tâm rgop âk ntil tơm tăm ta ndrel du rnoh neh pah kan gay ma rgâl bâh tăm du ntil jêng tăm âk ntil hun hao tâm rgop, bâh nĕ geh rgum rgop nău khlăy tâm pah kan. Tât atay, n’gâng kan tuch tăm mât rong n’hanh hun hao ƀon lan mbra kơl an n’gor Hậu Giang ƀư nău kan “rkŭm tâm rgop n’gâng kan công-nông nghiệp ndrel đah hun hao pâl nđaih ntŭk tuch tăm” gay ma rgum nău geh khlăy an ueh.

          Nuĭh rblang: Thị Đoắt