VOV4.Mnông – Ta năp ăp nău roh đăp mpăn ta Myanmar, Liên hợp quốc nkoch tay klach rvê đah nu nău ta dak Đông Nam Á aơ, nkre kuăl jă Myanmar ơm đăp mpăn nu nău tă bah tâm nchră ndâk njêng n’hanh rsaih nkra nău ngăn. Tơm nău mbơh tâm rnglăp nchrău Liên hợp quốc an gĭt, Hội đồng Bảo an Liên hợp quốc nchrăp mbra ơm ƀư du rơh rƀŭn mpôn gay râng ôp mpeh nu nău Myanmar. Nău mbơh na nê̆ mbra ơm dơi mbơh tâm đêt mông mô lah đêt nar tât. Ntoh ngơi bah năp nuĭh nchih nău mhe aơ, nuĭh ntoh ngơi Tổng thư ký Liên hợp quốc Farha an lah: “Mpôl hên kuăl jă n’hanh ntrôl nău dơi bah kon nuĭh n’hanh nău ntrŭnh ƀon lan ƀư tơm ta Myanmar. Đặc phái viên LHQ mpeh nu nău Myanmar mbra ƀư tĭng nău kuăl jă bah Tổng thư ký ntrôl dun lam ntŭr neh tâm ban ŭch n’hanh geh nău nsum mpôl gay rdâk nkra tay Chính phủ ƀon lan ƀư tơm ta Myanmar”.

Nuĭh rblang: Y Sưng Phê Ja