VOV4.M’nông: Ăp nar du\t năm 2017, nu\ih [on lan ji nuih bah năp nau lơh du hê kon se ta du ntu\k mât kon se tâm xã Dak Wer, nkuăl Dak Rlâp n’gor Dak Nông. Gay rdâng ăp nau kan [ư mô ueh aơ, nuih [on lan ta Dak Nông u\ch n’gâng kan tâm nkuăl ndrel ăp ntu\k gay geh nau kơp uănh, ân nsru\ng lơi ăp ntu\k mât chăm kon se mô ho\ to\ng nau dơi.

Bol ma nau kan aơ geh saơ ho\ rlau 10 nar, yơn tâm [on lan ê bah ơm nau ji nuih mpeh nau lơh kon se ta xã Dak Wer, nkuăl Dak Rlâp, n’gor Dak Nông. Ngăn lah tâm ôi lơ 27/12/2017, du clip geh nu\ih [on lan nkoch mbơh klơ mạng xã hội mpeh nau kan du hê kon se bu klô 2 năm geh bu mât chăm lơh. Rup nê nkoch mpơl saơ du hê bu ur geh ân lah nu\ih mât chăm kon se geh nau [ư yơk săng nglik kon se bu klô gay têk leo, do\ng ty dong aka tơ\ tâm bôk kon se [ư kon se nhi\m du\t hô.

Kon se bu klô geh bu lơh tâm clip nê lah mom Đỗ Đắc Minh Đăng, deh lơ 13/11/2015 ta Thôn 13, xã Dak Wer, nkuăl Dak Rlâp. Nu\ih bu ur lơh kon se Minh Đăng tâm clip nê lah Phạm Thị Vấn, deh năm 1957, tă [ư nau kan mât kon se geh bơi tât 10 năm ta xã Dak Wer. Bah a[aơ du năm, Vấn manh ngih ta thôn 6, xã Kiến Thành gay ma mât kon se. Păng dôl mât nklăp 13 kon se, ngăn lah kon se ntơm 2-3 năm.

Nô Đỗ Đắc Dương, mbơ\ kon se Minh Đăng nkoch, rnăk nô ho\ njoăl kon ân wa Vấn mât, đah rnoh du rkeh/khay ntơm khay 8/2016 tât rnôk aơ. Jêh uănh clip, nô Dương hô ngăn ji nuih ndrel [ư săm [u\t njoăl tât Công an xã Kiến Thành, nkuăl Dak Rlâp gay phong.

Ti\ng Jrâu kan nti\m nti nkuăl Dak Rlâp, nkual geh  43 ntu\k mât rong kon se pơk êng, tâm nê knu\ng geh 19 ntu\k mât kon se geh pă săm [u\t kơp dơn. Nau mât kon se bah dih aơ dôl mâp âk nau jêr ngăn. Tâm nê n’ăp me mbơ\ ndrel ăp tnu\k mô geh tâm boh ho\ [ư nau mât kan mâp nau jêr. Wa Vũ Thị Hiến, Groi Kruanh jrâu kan nti\m nti nkuăl Dak Rlâp, ngơi:

‘Êng đah rmôt kon se bah Phạm Thị Vấn mât ma ho\ geh clip ndah klơ mạng xã hội ri jrâu kan nti\m nti ko\ ho\ geh âk tơ\ tât uănh ndrel gi\t tât nau aơ. Yơn lah, nau gay ma nau dơi gay to\ng pă săm [u\t ri ê dơi, gay ân geh nau tât kơt nê ri aơ ko\ lah du nau kan du\t n’hâm rngot, bah dih nau mât nkân bah ntu\k kan mpẹh nau kan kơt lah phung hên”.

Wa H’Nhớ, Groi kruanh UBND nkuăl Dak Rlâp ân gi\t, mpeh nkuăl, jêh rnôk gi\t nu nau, n’gâng kan tâm nkuăl ho\ tât uănh, so\k nau mbơh ndrel pah kan ngăn đah Phạm Thị Vấn, nu\ih geh nau lơh kon se. Ko\ ti\ng wa H’Nhớ, bol ma ê geh nau kơp to\ng ăp, yơn bah nau kan aơ gay geh ngăch nau kơp uănh ntu\k mât chăm kon se tâm nkuăl, saơ ndrel ân nsru\ng lơi ăp ntu\k mô geh pă săm [u\t ndrel ê to\ng nau dơi pă săm [u\t tâm rơh tât.

‘Jêh rnôk uănh clip, săk gâp ndơn saơ aơ lah nau kan khuch hô ngăn, gay geh nau nduih lah, nau dơi bah kon se, mpeh UBND nkuăl, phung hên lo\ rđau mpeh nau mât ăp rmôt kon se geh ndâk njêng êng, ti\ng di nau ntru\nh bah pháp luật. Ngăn lah đă UBND ăp xã, nkuăl têh uănh, kơp ndrel ân nsru\ng lơi nkre ăp ntu\k mât rong kon se ndâk nkra êng, ê geh pă săm [u\t tâm nkuăl”.

Ko\ tâm khay 12/2017, Bộ Lao động Thương binh ndrel Xã hội ho\ ntơm leo do\ng ntu\k kuăl điện thoại bah neh dak mpeh nau mât kon se đah bôk mrô 111 vay geh ndơn, rklaih nau, mbơh, phong nau tât, nau lơh mbram, ndjơh kon se. Tổng đài lah nau kan khlay, jêh rnôk ndơn nau mra tâm nthoi đah ăp ntu\k geh tât gay ma năl, mbơh tay nau, nchră mpeh pháp luật, nau kan, nau mhe, nau dơi [ư nau kan bah kon se, mbơh mpeh nau mi\n ân kon se, me mbơ\ ndrel ăp nu\ih tâm rnăk vâl tâm nau kan mât chăm, nti\m nti ndrel mât kon se, mbơh ăp nau kan mât chăm.

Kônh wa ko\ gay nchrăp nkah ngăn nau mbơh nkoch nau, gay nsum ty ndrel lam nau rêh jêng mât kon se, leo ăp nu\ih geh nau tih luh gay ma rklaih mhal bah năp pháp luật./.

Nu\ih rblang: H’Thi