Aơ lah nău kan dŭt khlăy, kahgĭt 80 năm nar njêng Quân đội Nhân dân Việt Nam. Tâm nău ntoh n’gôr bâh chĭng gong n’hanh njroh xoang, ƀon lan Jarai ta xã Ia Me, nkuăl Chư Prông mô dơi mpôn nău rhơn rnôk geh dơn ngih rông văn hóa mhe têh ueh, hvi 140 mét vuông, tach jâng gung ma bê tông hvi 500 mét vuông, tŏng ntŭk gŭ an rhiăng nuĭh. Ndrel nar, Binh đoàn 15 lĕ geh pă jao 2 ngih rông văn hóa ta xã Ia Piơr nkuăl Chư Prông n’hanh xã Ia Pnôn nkuăl Đức Cơ, n’gor Gia Lai. Lĕ rnoh khlăy rdâk njêng ăp ngih rông bâh 3,3 tât 3,5 rmen prăk. Di rơh aơ, n’gâng kan Tư lệnh Binh đoàn 15 lĕ pă an bằng khen n’hanh prăk nkhôm đah ăp ntŭk kan mbra dơi geh ntoh lư tâm lĕ trong kan mât uănh n’hanh nău nchrăp ƀư ngih rông văn hóa, pă an 60 nklâm ndơ đah ăp bu ranh ƀon, kruanh thôn, nuĭh geh nău knơm, nuĭh phung chroh ntoh lư, rnăk vâl ach o n’hanh nuĭh pah kan geh nău rêh jêr jŏt ta nkual n’har bri n’gor Gia Lai.