Di nkah 80 năm nar ndâk tahen ƀon lan Việt Nam, UBND n’gor Dak Lak mhe ƀư mâp măt ăp cán bộ gưl prêh, rđau tahen rlu ranh, rlu nau kan. Tâm nar mâp măt, ăp ntoh măt ndrel uănh ăp phim ơm nkoch tât ntrong 80 năm ndâk njêng, tâm lơh, jêh jêng bah tahen ƀon lan Việt Nam ndrel rmôt tahen n’gor Dak Lak kŏ kơt lah Quân khu V. Wa H’Yim Kđoh, Groi Kruanh UBND n’gor Dak Lak njoăl nau ôp n’hâm soan, ntoh nau nkah jru ngăn bah năp nau rgop rêh bah ăp đồng chí tâm nau lơh, ndâk njêng ndrel mât neh dak.

Groi Kruanh UBND n’gor Dak Lak mbơh nau hun hao văng sa, rêh jêng bah n’gor Dak Lak năm 2024. Wa H’Yim Kđoh ŭch, ăp đồng chí cán bộ tahen gưl prêh rlu ranh, rlu nau kan lŏ rgop nuih n’hâm, nau blau, nau kan gay ndâk nâp n’gâng kan neh dak lam ƀon lan, nuih n’hâm đăp mpăn ƀon lan ndrel rmôt tahen bah n’gor nar lơn nâp dăng./.