Jêh rơh mih dak bŭk mhe rlău, n’gor Khánh Hòa rĭng mbơh ƀư  “Chiến dịch Quang Trung” gay ndâk njêng, nkra jay gŭ an ăp rnăk ƀon lan geh khuch khat hô. Ta năp nău ŭch têh mpeh lŭ choih ndâk ƀư, UBND n’gor đă ăp ntŭk nchrăp rgŏ jă prăk, đăp mpăn tâm pă ăp, đăp mpăn ntŭk tăch, mô an geh nu nău bôk ntŭk tăch, n’hao khlay.

Lam n’gor aƀaơ geh 89 jay geh rlâm, chôt, klôn rdu an ndâk ƀư tay n’hanh bơi 300 mlâm jay djơh an nkra. Tât aƀaơ, rlău 50 mlâm jay lĕ dơi ntơm ndâk ƀư, 46 mlâm dôl dơi nkra ta 30 xă, phường, đah tât râng bah lĕ trong chính trị, rmôt công an, tahen n’hanh nsum mpôl doanh nghiệp, UBND n’gor đă ăp nău kan dơi kan n’hao uănh nđôi, rmal rjăp nău ƀư nkrâm ndơ, mpet khlay. Tĭng N’gâng kan Xây dựng Khánh Hòa, n’gor ntop kơl 60 rkeh prăk du mlâm jay mhe n’hanh tâm pă 500 tấn xi măng, nsrôih jêh ndâk ƀư mhe bah năp 15/1/2026 n’hanh nkra jay bah năp 31/12/2025.