Kơt Radio Việt Nam mbơh nau, âk rbăn ha tơm tăm tâm nkuăl Krông Nô, nkuăl “tơm rđŭng” bah n’gor Dak Nông dôl tâm rnôk nau mô tŏng dak tŏ, khuch tât yor prăng bri hô.

Wa Nguyễn Văn Đại, Giám đốc ntŭk kan tâm nkuăl Krông Nô, Công ty dŏng trong hoch dak Dak Nông mbơh, bah năp nau prăng bri hô, nkuăl pah kan đah ăp nkuăl êp nê kơt Dak Mil ndrel Dak Song gay ma pă dak tă bah nglau hoch dak têh gay ma leo rdâng ân prăng bri.

Bah năp măt, hŏ geh nau tâm ban bah nkuăl Dak Mil tât nau n’hoch dak tă bah nglau Hồ Tây (rnoh âk rlau 3 rkeh mét khối) tât nkuăl Krông Nô bah trong hoch tĭng jăng dak Dak Sôr. Tĭng wa Nguyễn Văn Đại, Công ty pă dŏng dak tŏ Dak Nông tâm rgop nsum ma n’gâng kan tuch tăm ndrel n’gâng kan xã hŏ mbơh ân ăp nŭih ƀon lan n’hêl mpeh nau ân n’hoch dak. Nŭih ƀon lan hŏ ndrel dôl nchrăp gay ma ndăn tơm dak aơ gay ma pom tŏ ân tơm tăm.