Tĭng nau mbơh bah N’gâng kan dak si, rnoh nŭih năm 2023 bah Việt Nam geh 100,3 rkeh nŭih, nau hun hao nklăp 0,84%. Rnoh nŭih ndrel rnoh geh tâm rnôk dôl năm pah kan geh bơi tât 70% rnoh nŭih, tâm rnôk rnoh nŭih dăng. Yơn lah, rnoh nŭih âk kŏ ƀư khuch tât nau kan văng sa, kỹ thuật, nau rêh, ntŭk ntu đô thị, ƀon lan. Việt Nam lah dak geh rnoh nŭih ranh ngăch (nklăp tât tâm rnôk rnoh nŭih ranh tâm năm 2038) mra khuch ngăn tât âk nau kan bah nau rêh, kơt trong mât chăm n’hâm soan, rêh jêng, kan pah.

Nau mbơh tâm nar rƀŭn, Groi Thủ tướng Trần Hồng Hà đă ân geh nkoch trêng, mbơh ngăn nau kan, tâm di, tŏng ăp nkô̆, nau khlay bah nau kan rnoh nŭih ndrel hun hao, ndal ndâk, ƀư jêh nau kan pháp lý ân nau kan rnoh nŭih ndrel hun hao, mbơh nchră nau kan tâm nau rnoh nŭih tâm ban, geh nsum ma nau ntop tơm prăk, nŭih kan, ndâk nau kan n’hêl, ndơ rnglăp, kơp bah ăp rnoh nŭih./.