Ndrel đah rlău 350 ntŭk ngêt cà phê kơl an nuĭh ƀon lan n’hanh năch mô sŏk prăk tâm lễ hội cà phê Buôn Ma Thuột tal 8 năm 2023, ta trong Phan Đình Giót, phường Tân Thành, nkuăl ƀon têh Buôn Ma Thuột mbra geh ƀư âk nău kan ntoh lư mpeh nău ntơm ƀư cà phê bâh ntŭk tăm tât nuih dŏng play.

Bâh nar 10 tât 14/3, rnôk năch tât ta trong Phan Đình Giót, phường Tân Thành , Buôn Ma Thuột ndrel đah nău ngêt cà phê mô sŏk prăk yor 4 ntŭk kan lah Công ty CP Tập đoàn Trung Nguyên, Công ty TNHH MTV tăch ngluh 2-9 (Simexco Dak Lak), công ty TNHH king Coffêe n’hanh Công ty TNHH truyền thông sự kiện Pro (nău ntơ ama Coffee ƀư, năch mbra tât râng ăp nău gĭt vât mpeh ntơm geh văn hóa cà phê, nău ueh văn hóa cà phê. Tâm nĕ, dŭt nkah ngăn lah ăp nău kan Simexco Coffee tour gay ma ryơk rnê ăp nuĭh ƀon lan kan lŏ mir tăm cà phê n’hanh tâm mbơh ăp nău kan ƀư cà phê bâh ntŭk tăm tât nuĭh dŏng.