Tâm trôm nău ƀư nkah gĭt 78 năm nar ndâk njêng, ôi 7/9, Đài TNVN ƀư an ndơ nkhôm Tiếng nói Việt Nam-Sao khay 9; rnê rhơn ăp ntŭk kan, êng nuĭh rgop uĕh tâm bôk nău “Dăng ndrŏng bah dak lêng ƀon tơm” n’hanh Rgŏ jă tâm rlong rƀŏng tât nkah gĭt 80 năm ndâk njêng. Dơi ƀư ăp năm, Ndơ nkhôm Tiếng nói Việt Nam ntô̆ n’hao ăp nuĭh lĕ geh rgop tâm di an nău moh êng “Tiếng nói Việt Nam”. Ndơ nkhôm dơi an ăp nuĭh nchih, rmôt nuĭh nchih geh ăp tác phẩm, ndơ ƀư uĕh mpeh báo chí, văn học nghệ thuật, kỹ thuật, công nghệ, mĭn njêng khoa học; ăp nghệ sỹ tâm nău ƀư mĭn rklă, njroh mprơ; ăp nuĭh ntuh ngơi uĕh, nuĭh leo nău ngơi uĕh.

Ndơ nkhôm ntô̆ n’hao, ntrŭt nsôr nău mĭn rklă, rgâl mhe tâm ăp ntil nău kan bah Đài TNVN. Năm aơ, Đài TNVN an 6 giải Vàng, 9 giải bạc n’hanh 9 giải Đồng an ăp nuĭh nchih, rmôt nchih tâm ăp ntŭk kan. Di rơh aơ, Tổng giám đốc Đài TNVN an Bằng khen an 8 ntŭk kan n’hanh ăp nuĭh êng geh nău rgop uĕh tâm bôk nău “Dăng ndrŏng bah dak lêng ƀon tơm”. Ngih pah kan nkual Tây Nguyên geh giải vàng đah nău nchih “Ntoh luh rnoh neh sầu riêng ta Tây Nguyên-geh nău mâp n’hanh geh nău lap uĕh”, bah nuĭh nchih Dương Đình Tuấn.