Ta n'gor Kon Tum, Trung tướng, Anh hùng lực lượng Vũ trang Nhân dân Phạm Tuân, nuĭh lor bôk năp bah Việt Nam mpăr kalơ trôk hŏ ndrel râng bôk nău kan "Chăt nar mpăr nău ŭch rŏng" an druh ndăm rchong nkuâl Tu Mơ Rông”.

Ndrel đah Trung tướng, Anh hùng lực lượng Vũ trang Nhân dân Phạm Tuân, râng bôk nău kan "Chăt nar mpăr nău ŭch rŏng" an druh ndăm rchong nkuâl Tu Mơ Rông” hôm geh ăp nuĭh kon bah rnoi nuĭh Xơ Đăng têh jêng bah nkuâl, aƀaơ pah kan tâm âk n'gâng kan, trong kan êng êng.

Ma ăp nău nkoch rngot mpeh nuih n'hâm rlău dơi jêr jŏt nsan hao tâm nău rêh, tâm kơt nti bah he nơm, ăp năch jă râng bôk nău kan kơl ƀư an kon se nti rhơn nđơr nsing nơm tĭng trong ŭch rŏng bah he đŏng. Ta bôk nău kan năch jă n'hanh UBND nkuâl Tu Mơ Rông hŏ pă an 110 nklâm học bổng đah lĕ rngôch rnoh khlay 55 rkeh prăk an 110 kon se nti geh nău dơi âk tâm kơt nti. Trung tướng, Anh hùng lực lượng Vũ trang Nhân dân Phạm Tuân an gĭt, păng dŭt rhơn rnôk dơi jă râng bôk nău kan n'hanh geh âk nău ntĭm nti khlay kơl ăp kon se geh tay nău nsing nơm sơch nău rêh bah he.