Kêng măng 2-8, ta nkual ƀon têh Buôn Ma Thuột, n’gor Dak Lak, Ban rđău đă Trung ương ăp bôk nău kan gưl  neh dak ƀư tâm nchră pơk sŏng dăng đah ăp n’gor Tây Nguyên mpeh nô nău an tĭng ƀư bôk  nău kan gưl neh dak. Tĭng nău mbơh, prăk ngân sách Trung ương năm 2024 ntop kơl ƀư 3 bôk nău kan gưl neh dak (bôk nău kan hun hao wăng sa- rêh jêng kon nuĭh nkual rnoi mpôl đê̆ n’hanh mpeh yôk yang; Bôk nău kan n’hŭch ach o jŏ jong n’hanh  bôk nău kan rdâk njêng ƀon lan mhe) nkual Tây Nguyên lah rlău 5.500 rmen prăk, tâm nê tơm prăk ntuh kơl hun hao rlău 3.400 rmen prăk, tơm prăk dŏng an n’gâng kan rlău 2.100 rmen prăk.

N’gluh tơm prăk ntuh kơl tât nar 30/6/2024, ăp n’gor nkual Tây Nguyên hŏ n’gluh rlău 1.500 rmen prăk, geh rlău 36% trong nchrăp. Tât aƀaơ, nkual Tây Nguyên geh nklăp 373 xã geh nău n’glêh an kơp  dơn di rnoh rdâk njêng ƀon lan mhe; rnoh âk rnăk ach o di rnoh ach o âk ding năm 2024 bah nkual hŭch ntơm bah 3-4% rđĭl  đah năm 2023. Ta tâm nchră, Groi Thủ tướng Trần Lưu Quang lah rjăp, gay an ƀư geh nău tam ăp bôk nău kan gưl neh dak, ăp n’gor ân ƀư lĕ nău dơn kan, nău nsrôih, lĕ n’hâm suan tâm let năp tay; ăp n’gor ân kơt nti nsum, n’gor I mô hŏ dơi ƀư ri ân kơt nti ăp n’gor I ƀư jăp uĕh gay ndrel tĭng ƀư geh nău dơi nău dơn kan dơi jao: