VOV4.M’nông - N’gâng kan Công an ƀư rƀŭn nchră trực tuyến lam dak mbơh ƀư trong nchrăp kơp uănh lĕ rngôch, uănh nđôi đăp mpăn mpeh trong kan njrăng n’gang ŭnh sa n’hanh wơt kơl nău rmanh. Tĭng trong nchrăp bah N’gâng kan Công an, rơh hăn kơp uănh lĕ rngôch, uănh nđôi đăp mpăn mpeh njrăng n’gang ŭnh sa n’hanh wơt kơl nău rmanh rơh aơ ƀư bah nar 15/10/2022 tât 15/12/2022.

N’gâng kan Công an mbra uănh nđôi lĕ rngôch trong kan njrăng n’gang ŭnh sa.

Công an ăp ntŭk kan, ƀon lan mbra hăn uănh nđôi đăp mpăn mpeh ŭnh sa n’hanh wơt kơl nuĭh rmanh đah lĕ rngôch ăp ntŭk mpeh tâm ngih dak mât uănh mpeh njrăng n’gang ŭnh sa. Tâm nĕ, rgum uănh nđôi na nê̆ ăp ntŭk tăch rgâl geh ndơ mpeh đăp mpăn rnă njrăng, ntŭk têh hvi, rgum âk nuĭh, geh nău klach, geh ŭnh sa, rtoh âk kơt khách sạn, jay gŭ an manh, quán bar, vũ trường, chung cư, jay prêh dăp, ntŭk tăch rgâl, jay prăp ndơ, ntŭk nkra njêng.

VOV.VN/Nuĭh rblang: Y Sưng Phê Ja