Nar 31/7, Đảng ủy, Bộ Tư lệnh Binh đoàn 15 ƀư tâm nchră Quân chính uănh năl lôch jêh tĭng ƀư nău dơn kan 6 bôk năm n’hanh an ƀư nău dơn kan 6 khay kêng dŭt năm 2024. Ntơm bah bôk năm tât aƀaơ, Đảng ủy, Bộ tư lệnh Binh đoàn 15 hŏ rgum rđău đă đơn vị ƀư lôch jêh uĕh nău dơn kan rdâk njêng đơn vị nâp dăng lam lĕ rngôch. Ăp đơn vị mpeh Binh đoàn an ƀư jăp ăp trong mât bôk kan doanh nghiệp, mât dŏng prăk kaih, n’hŭch đêt roh huach prăk dŏng kan, n’hao yach geh kan; rtŭt rmăn glêh tam nuĭh kan.

Nơm geh kơt nê̆, bol rnoh khlay rtăk cao su jŭr thuk dŭt ntŭr, yơn Binh đoàn đăp mpăn rĭng geh 7,3 rkeh prăk/nuĭh/khay an công nhân. Ntơm bah bôk năm tât aƀaơ, Binh đoàn sơch lăp mhe rlău 2.400 công nhân, tâm nê geh rlău 97% lah nuĭh rnoi mpôl đê̆. Nkre, Binh đoàn ntop kơl ăp n’gor ƀư mhe 600 n’gâng ŭnh măt nar mpoh ang 20km trong ta 10 ƀon; leo ƀư but săm, phăt dơm dak si an rnăk nuĭh geh n’hâm suan, rnăk dơi kơl tâm rnôk lễ, tết.