Kêng măng 21/11, Bình đoàn 15, (N’gâng kan mât njrăng bri dak Việt Nam) n’hanh Ban ntĭm rđău ndâk njêng chính trị bah dâng n’hanh hun hao thôn ƀon lĕ rngôch (N’gâng kan mât njrăng bri dak) ƀư rƀŭn nchră n’gul gâl trong kan njêng oh nô. Năm 2018, Binh đoàn 15 n’hanh Ban ntĭm rđău ndâk njêng chính trị bah dâng n’hanh hun hao thôn ƀon lĕ rngôch (N’gâng kan mât njrăng bri dak Lào) ƀư ký ton Sam ƀŭt kan ndrel njêng oh nô.

2 ntŭk lĕ tâm rgop ƀư âk nău hăn uănh nsong, nti nsơm, tâm rgâl nău blău ơm mpeh ăp ntrong kan lŏ mir- bri, ntĭm nti, dak si hăn ndrel đah mât njrăng bri dak rnă njrăng; tâm rgop hăn uănh ăp nău geh ta n’gor Xay Sổm Bun n’hanh n’gor Xiêng Khoảng ƀư nkô̆ nău kơl dak băl mbơh ƀư ăp nău nchrăp ƀư; Binh đoàn 15 ntop kơl uĕh trong kan wơt kơl nău rmanh, trơn hang rhiăng rnăk nkual nău nchrăp ƀư tât ntŭk đăp mpăn; tâm rgop ƀư but uănh săm ji, pă dak si an dơm an hang rbăn nuĭh. Djôt dơn nău rgop, N’gâng kan mât njrăng bri dak CHDCND Lào lĕ an Cờ Chiến thắng n’hanh Huân chương Dũng cảm hạng II,III an ăp nsum mpôl êng nuĭh bah Binh đoàn 15