Ôi 23/8, ta Nhih pah kan Trung ương Đảng, Bộ Chính trị hop an nău rgop mpeh dăp rgum Nkual ƀon têh Hồ Chí Minh rơh năm 2021 - 2030, uănh ngai tât năm 2050. Lôch rnôk djăt ntơh măt kruanh rđău kan Thành uỷ mbơh mpeh siƀŭt dăn nău rgop mpeh dăp rgum, nău rgop ăp nhih pah kan rgop mpeh Đề án dăp rgum, Bộ Chính trị hŏ rgum tâm nchră n’hanh tâm ban ŭch mpeh trong nchrăp, nău mĭn têh, khlay rƀŏng tât dăp rgum nkual ƀon têh Hồ Chí Minh.

N’glôch jêh tâm nchră, Tổng Bí thư, Kruanh dak Tô Lâm njrăng đă, lah rjăp du đêt ntŭk khlay. Dăp rgum ân ƀư jêng ngăn ngăn dơi trong nchrăp, gung trong bah Đảng, ăp nghị quyết bah Ban Chấp hành Trung ương Đảng, Bộ Chính trị, Ban Bí thư n’gluh an dŏng tâm bah ri aơ. Dăp rgum ân mpơl kloh nău dơn kan, ntŭk gŭ kan khlay mha êng bah Nkual ƀon têh Hồ Chí Minh, lah ntŭk rgum wăng sa, văn hoá, ntĭm nti, khoa học - công nghệ bah neh dak. Bộ Chính trị dăn đă Thành uỷ Nkual ƀon têh Hồ Chí Minh rgum rđău đă ndăn ngăch ƀư lôch jêh dăp rgum.