Kêng măng 22/12, ta Công an n’gor Dak Nông, Bộ Công an ƀư Lễ mbơh nău n’glêh an bah Bộ trưởng Bộ Công an mpeh pah kan cán bộ. Ta rơh lễ, dơn nău đă bah Bộ trưởng Bộ Công an, kruanh rđău kan Cục Tổ chức cán bộ hŏ mbơh nău n’glêh an bah Bộ trưởng Bộ Công an mpeh nău rgum n’hao n’hanh ntăm an Đại tá Nguyễn Thanh Liêm (ƀon tơm Hà Tĩnh), Groi Giám đốc Công an n’gor Hà Tĩnh tât dơn pah kan n’hanh ƀư Giám đốc Công an n’gor Dak Nông.

Dơn pah kan mhe, ntŭk mhe, Đại tá Nguyễn Thanh Liêm, Giám đốc Công an n’gor Dak Nông ton mbra ngăch đăp mpăn pah kan, rƀah gĭt nô nău ta ăp trong kan, ntŭk kan; ntik n’hao nău dơn kan, djôt lĕ nău dơi kan, bôk rngok n’hanh nuih n’hâm nsum suan, du nuih n’hâm ndrel Đảng ủy, Ban Giám đốc Công an n’gor n’hanh lĕ rngôch cán bộ, tahen ƀư lôch jêh uĕh nău dơn kan dơi jao, đăp mpăn rnă njrăng, rdâk njêng mpôl Công an Dak Nông kloh uĕh, nâp dăng lam lĕ rngôch.