Ôi 20/02, ta Bộ Quốc phòng, Tổng cục Chính trị Quân đội nhân dân Việt Nam kan nsum đah Hội đồng Lý luận Trung ương, Nhà xuất bản Chính trị Quốc gia Sự thật ƀư Tâm nchră khoa học mbơh gĭt jru nău mĭn rđău đă tâm ndrôm siƀŭt "Rôih dăng, sŏng di, rlăch ndăng njrăng n'gang sa khâm, tih djơh, rgop rdâk njêng Đảng n'hanh Ngih dak he nar lơn ma kloh uĕh, nâp dăng" bah wa Tổng Bí Thư Nguyễn Phú Trọng tâm nău tĭng ƀư geh nău dơi n'gâng kan tahen, njrăng n'gang neh dak, mât njrăng neh dak aƀaơ.

Đại tướng Phan Văn Giang, Ủy viên Bộ Chính trị, Groi Bí thư Quân ủy Trung ương, Bộ trưởng Bộ Quốc phòng râng.  Tâm nchră ƀư mâp na nê̆ n'hanh pơk sŏng dăng ta 41 bôk ƀoh tâm lam mpôl tahen đah 1.600 nuĭh ntơh măt râng. Ta tâm nchră, ăp đại biểu hŏ rgum ƀư kloh nkô̆ lý luận, ngăn ngăn ndrôm siƀŭt, ăp nkô̆ nău rhuăt luh bah ngăn ngăn tâm rơh rlăch ndăng njrăng n'gang sa khâm, tih djơh đah n'gâng kan rdâk njêng n'hanh mât njrăng neh dak Việt Nam xã hội chủ nghĩa aƀaơ n'hanh rdâk njêng tahen cách mạng, săk blău, đăng hăr  n'hanh têh dăng mhe.