Dơn nău jă bah Bộ trưởng Bộ Ngoại giao Bùi Thanh Sơn, Bộ trưởng Bộ Ngoại giao dak Cộng hòa Chile khâl ngăn Việt Nam ntơm bah nar 25-27/8/2024. Ta Jay năch Chính phủ, Bộ trưởng Bộ Ngoại giao Bùi Thanh Sơn hŏ tâm nchră đah Bộ trưởng Bộ Ngoại giao Chile.

Bar Bộ trưởng hŏ tâm mbơh nsum mpeh nô nău bar dak, tâm ôp ăp trong rƀŏng, trong nkra n’hao dăng tâm boh lam lĕ rngôch Việt Nam - Chile, ăp nkô̆ nău tâm nkual n’hanh dak bah dih ndrel uănh khlay. Bar ding hŏ tâm ôp n’hanh tâm ban ŭch du đêt trong nkra gay ƀư jru hvi lơn đŏng tâm boh đah bar dak tâm let năp tay, lĕ ma nău kan nsum dăp rgum n’hanh nchrăp an hăn khâl gưl têh, ntik n’hao nău tam ăp trong hăn ôp uănh chính trị n’hanh Hội đồng dah rŏng tăch rgâl Việt Nam - Chile, kan nsum droh rklaih ăp kŏ kol tâm boh bar ding n’hanh nta trong dơh tât đah ntŭk tăch rgâl an ndơ geh ƀư lĕ ma bar ding.