Ôi 22/12, Học viện An ninh nhân dân ƀư n’glôch jêh 30 năm ntĭm nti bah kơi đại học n’hanh wơt dơn Huân chương Mât njrăng neh dak hạng Ba. Đại tướng Tô Lâm, Ủy viên Bộ Chính trị, Bộ trưởng Bộ Công an râng n’hanh geh nău lah. Lah ntŭk ntĭm nti rgum tơm bah n’gâng kan Công an, đah nău way jŏ rlău 77 năm rdâk njêng n’hanh hun hao, Học viện ANND hŏ geh rlău 30 năm ntĭm nti bah kơi đại học.

Lah ta rơh lễ, Bộ trưởng bộ Công An Tô Lâm dăn đă Học viện tĭng ƀư tay geh nău tam ăp nău mĭn, trong nchrăp rđău đă bah Đảng,  Ngih dak mpeh rgâl mhe tơm, lam lĕ rngôch ntĭm n’hanh nti, tâm nê geh ntĭm nti bah kơi đại học. Nkre, ntrŏng kloh rnoh têh âk ntĭm nti bah kơi đại học, nkre đah dăp rgum, trong hun hao cán bộ săk blău bah n’gâng kan Công an gay lor nchrăp rgâl mhe, n’hao săk blău pah kan ntĭm, nti lah nsum, ntĭm nti bah kơi đại học lah êng tŏng đah nău ŭch geh rdâk njêng CAND kloh uĕh ngăn, nâp dăng ngăn, glêh tam, đăng hăr, têh dăng mhe, tŏng đah nău ŭch  geh, nău dơn kan tâm nô nău mhe./.