Êng Bôk nău kan “Khay 3 n’har bri” gưl Trung ương ƀư ta 3 n’gor Lạng Sơn, Quảng Trị n’hanh Kiên Giang. Bôk nău kan “Khay 3 n’har bri” rgum ntrôl dăng nkoch trêng, ntĭm nti an Đoàn viên, Hội viên, druh ndăm mpeh nău way ơm, nău rŏng neh dak n’hanh nău kan bah druh ndăm đah ƀư tơm, rnă njrăng n’har bri, gôl dak.

Ta aơ, geh âk nlâm ndơ khlay mbra dơi Mpôl rdâk ƀư an rmôt tahen n’har bri, nuĭh ƀon lan n’hanh kon se ăp ntŭk kâng n’har bri 3 n’gor Lạng Sơn, Kiên Giang, n’hanh Quảng Trị kơt: an ndơ an rnăk dơi kơl n’hanh kon hŏk geh nău rêh jêr jŏt, an cờ neh dak an ăp rnăk mât njrăng trong n’har bri, ntop kơl tơm rla an ntrong kan “Tơm rla n’har bri Việt”. Lơn lah mbơh ƀư ăp ndơ ƀư “Mpoh ang trong n’har bri”, trong hăn uănh nđôi n’gâng n’har bri, “Ngih samƀŭt uĕh an oh”, ndơ ƀư “Ngih ăch chrach an oh”... Khlay ăp nklâm ndơ, ndơ ƀư, gưl kan tâm bôk nău kan lah rlău 7,2 rmen prăk.