Kêng măng 12/1, ta thôn Nông Kon, N’gâng kan rđau tahen Biên phòng n’gor Kon Tum tâm rgop nsum đah UBND xã Đăk Dục, nkuăl Ngọc Hồi ƀư Bôk nau kan “Năm mhe nkuăl n’har bri duh răm nuih n’hâm ƀon lan” ndrel ma nau “Nar hội bánh chưng ndrih” Tết năm mhe Giáp Thìn năm 2024. Râng nau kan kônh wa rnoi Jeh-triêng tâm thôn Nông Kon lah êng ndrel xã Đăk Dục lah nsum hŏ geh tâm n’ur, tur nau chĭng ơm, njroh mprơ, tâm rlong nklâm, gâm bánh chưng, joi gĭt, mbơh nkoch mpeh nau sa Tết ơm yau bah rnoi mpôl, nsum măng sŭnh ŭnh vay ơm...

Rnôk aơ đah nau ƀư tơm, N’gâng kan rđau tahen Biên phòng n’gor Kon Tum ƀư nau ntơm jao ntŭk ngih rƀŭn Nhà Rông văn hoá thôn Nông Kon lăp kan. Ngih rgum rƀŭn văn hoá thôn Nông Kon geh ndâk kơt nau ueh ơm bah rnoi Jeh-triêng, rnoh prăk ƀư bơi tât 145 rkeh. Tâm bôk nau kan “Năm mhe nkuăl n’har bri duh răm nuih n’hâm ƀon lan”.

 N’gâng kan rđau tahen Biên phòng n’gor Kon Tum tâm rgop nsum đah ăp ntŭk kan, rmôt kan pă 600 n’ha cờ neh dak ân nŭih ƀon lan xã n’har bri Đăk Dục, pă ngih kơl an 50 rkeh, 30 nklâm ndơ ân rnăk vâl geh dơi kơl, rnăk ach o, pă săm ƀŭt rnê nkhôm, nklâm ndơ bah N’gâng kan rđau tahen Biên phòng ân 10 mom bah Bôk nau kan “N’hao nhoat jâng oh hăn nti” geh nau blau tâm nau ntĭm nti./.