Ndơn nau jă bah Đảng Cộng sản Argentina ndrel ntoh măt gưl prêh Đảng nơm yor Kruanh Ban tuyên giáo Trung ương Nguyễn Trọng Nghĩa ƀư tơm kan hŏ tât khâl, pah kan ta Argentina ntơm lơ 21-24/8/2024. Tâm rnôk hăn khâl Argentina, wa Nguyễn Trọng Nghĩa hŏ geh rnôk tâm nchră ndrel mâp ma Tổng Bí thư Đảng Cộng sản Argentia Jorge Kreyness; Kruanh rnâng kan tâm nchră ma dak ba dih Đảng Công lý, Kruanh n’gâng kan neh dak ơm ndrel N’gâng kan nchră nau Jorge Taiana.

Rmôt kan kŏ râng tâm nchră đah dak ba dih đah nkô̆ “Kruanh Hồ Chí Minh ndrel nau tâm boh Việt Nam-Mỹ-Latinh” leo nkao tâm rup ndah Kruanh Hồ Chí Minh, khâl ndrel pah kan đah Đại sứ quán Việt Nam ta Argentina. Mpeh nau tâm boh đah Việt Nam ndrel Argentina, bar ding tâm nchră tâm ban nau lŏ mât nau tâm nchră kan, n’hao tâm mâp đah ăp gưl, ăp ntŭk kơl an ƀon lan, n’hao nau tam tâm boh dôl geh, pơk hvi ăp nau kan tâm boh êng; n’hao nau nkoch mbơh nau, nau tă blau tâm nau kan ndâk đảng ndrel hun hao neh dak; tâm rgop ndrel tâm kơl tâm ăp rnôk tâm nchră nkuăl ndrel lam ntur neh./.