Ôi nđaơ (25/7), ta Ngih rƀŭn Thống Nhất (nkual ƀon têh Hồ Chí Minh ƀư râng khĭt Tổng Bí thư Ban chấp hành Trung ương Đảng Cộng sản Việt Nam Nguyễn Phú Trọng. Bí thư Thành ủy TP.HCM Nguyễn Văn Nên ndrel ăp kruanh, tă ƀư kruanh Đảng, Ngih dak, Kruanh TP.HCM, ăp rmôt vũ trang, ban, nău kan, nsum mpôl, ăp rmôt kan rêh jêng, mpôl tâm rnglăp nchră nău đah bah dih ăp dak ta nkual ƀon têh, mpôl đại biểu ăp n’gor, nkual ƀon têh mpeh bah dâng ndrel âk ăp gưl nuĭh ƀon lan lĕ kŭnh bôk râng Tổng Bí thư Nguyễn Phú Trọng đah nău yô̆ têh.

Wa Nguyễn Văn Nên nchih tâm ndrôm sam ƀŭt râng khĭt kơt aơ: “Mpôl hên nkah gĭt mro rup ndah du hê dŭt rah rơih, mô ntô̆ nsơr, nuih n’hâm têh; du nău rêh têh; du hê cán bộ đảng viên ntrong leo hăn lor; du hê kruanh rêh uĕh, gĭt blău, du hê ntoh lư tâm tiăr nti tĭng nău mĭn, nău rêh, pah kan Wa Hồ he. Tĭng nti, kơt Đồng chí n’hanh ăp nuĭh bôk năp, dăn nthoi tay nău way ơm du trong tâm di, tâm rnglăp lơn tay, nsrôih lơn tay, dŭt n’hâm lơn, nsrôih ndâk njêng TP.HCM “Ntơr ang săk uĕh” kơt đồng chí mpŏng ŭch, ntĭm, rgop ndâk njêng neh dak, yor lam dak ndâk njêng n’hanh mât njrăng Neh dak Việt Nam nar lơ uĕh lăng. Dăn njuăl tât rnăk wâl đồng chí Nguyễn Phú Trọng nău rngot hô ngăn”.