VOV4.M’nông – Nar aơ (19/8) ta Hà Nội, N’gâng kan tuch tăm mât rong n’hanh hun hao ƀon lan tâm rgop đah N’gâng kan Thông tin n’hanh Truyền thông ƀư rgŏ jă “Rgâl mrô lŏ mir n’hanh hun hao ƀon lan” n’hanh mbơh ƀư trong mbơh nău n’hanh ntŭk pă sam ƀŭt sam tra, mât uănh mrô nkual tăm. Tĭng kơp êng, lam dak aƀaơ geh 4,8 rkeh ha rnoh neh tơm tăm geh: Tơm sa play, srih tăm ba lŏ n’hanh tơm jŏ năm. Tâm nĕ, âk nkual lĕ dơi an mrô moh săk gay groi nđôi nu nău tuch tăm, joi ntŭk tu tơm, n’hao uĕh ndơ lŏ mir, kơt: phe ba ta nkual Dâng rđŭng dak me Cửu Long; cà phê, chanh rse ta nkual Tây Nguyên; gu ga ta Bình Thuận; nhãn, vải thiều ta ăp n’gor Hải Dương, Bắc Giang, Hưng Yên, Sơn La... Yơn lah, trong uănh di, têh hvi tuch tăm hôm e jêt chrai n’hanh mô hŏ tâm rgop tŏng ăp nău mbơh đah nkra njêng n’hanh ntŭk tăch... N’hêl na nê̆ an ntrôl ngăch nău rgâl mrô tâm nău kan tuch tăm gay n’hao săk rnglăy đah nkra njêng, ntŭk tăch n’hanh nuĭh dŏng.

Nuĭh rlang: Y Sưng Phê Ja