Kêng măng ntri (10/1), ta Jay Quốc hội, Kruanh Quốc hội Vương Đình Huệ hŏ ƀư tơm rơh pah kan mpeh nău nchrăp ƀư ăp nău kan văn hoá, njroh mprơ nkhêp nkah ndray 80 năm Nar sơch lăp kan lam lĕ rngôch lor bôk năp Quốc hội Việt Nam (6.1.1946 - 6.1.2026). Ta rơh pah kan, ntơh măt ăp nhih pah kan hŏ rgop na nê̆ mpeh nău ƀư ăp nău kan văn hoá, njroh mprơ nkhêp nkah ndray 80 năm Nar sơch lăp kan lam lĕ rngôch lor bôk năp Quốc hội Việt Nam đah ăp nkô̆ tơm kơt: nău ƀư rơh tâm rlong nchih rklă mô lah rơh tâm rlong nchih rklă nău mprơ mpeh Quốc hội Việt Nam n’hanh Hội đồng Nhân dân; bôk nău kan njroh mprơ Vinh quang Quốc hội Việt Nam; nău ƀư Liên hoan Tiếng hát truyền hình Quốc hội Việt Nam.

N’glôch jêh rơh pah kan, Kruanh Quốc hội Vương Đình Huệ dăn đă Ban rđău đă, Ban Tổ chức an ƀư Đề án nkah ndray 80 năm Nar sơch lăp kan lam lĕ rngôch lor bôk năp Quốc hội Việt Nam tĭng di nuih n’hâm rđău đă bah Ban Bí thư; ndăn ngăch njêng ăp Tiểu ban gay an tĭng ƀư nău dơn kan, tâm nê geh Tiểu ban mpeh Văn hoá, nghệ thuật tă bah Groi kruanh Quốc hội Trần Quang Phương ƀư kruanh Tiểu ban gay rđău đă an ƀư ăp nău kan na nê̆./.