Tâm mông nar tâm rlong khuh n'gôr bah bu ur lam dak mbah rhơn nkah ndray 1983 năm dâk lơh Hai Bà Trưng, 113 năm bu ur lam ntŭr neh 8/3, ôi 8/3, ta Bộ Quốc phòng, Ban Bu ur tahen ƀư nkah ndray 30 năm Nar way ơm bu ur tahen, Ban bu ur tahen n'hanh wơt dơn Huân chương Bảo vệ Tổ quốc hạng Nhì.

Thượng tướng Nguyễn Trọng Nghĩa, Kruanh Ban Tuyên giáo Trung ương tât râng n'hanh ƀư tơm rơh lễ. Lah ta rơh Lễ nkah ndray, Thượng tướng Lê Huy Vịnh, Thứ trưởng Bộ Quốc phòng ntơh măt Quân ủy Trung ương, Kruanh rđău kan Bộ Quốc phòng lah rjăp ăp năm tât, đăp mpăn, tâm boh n'hanh hun hao hôm lah trong rƀŏng têh đŏng, yơn nô nău lam ntŭr neh n'hanh nkual tât krit nji ngăch, jêr nchroh, Thượng tướng Lê Huy Vịnh an gĭt, nô nău nê ndơ̆ luh tâm ăp nău ŭch geh nar lơn ma âk đah nău dơn kan rdâk njêng tahen, rdâk tay njrăng n'gang n'hanh mât njrăng neh dak.