Rgum rmal ăp ntil nău tih ntŭng rmoănh, an manh prăk kon khlay, tăch ndơ rlăm, ndơ mô uĕh, mô nâp, pháo rtoh; ntrôl dăng uănh nđôi đăp mpăn ntung trong... Aơ lah ăp nău kan khlay dơi Công an n’gor Dak Lak mbơh ƀư tâm rơh hô grot joi nuĭh tih, đăp mpăn rnă njrăng rơh bah năp, tâm n’hanh jêh Tết Nguyên đán Giáp thìn 2024”.

Tĭng nĕ, rơh rgot joi nuĭh tih đăp mpăn rnă njrăng rơh aơ dơi Công an n’gor Dak Lak mbơh ƀư bah 15/12/2023 tât lĕ nar 29/2/2024. Lĕ rmôt mbra rgum gĭt nu nău ta bah dâng, n’hao uănh nđôi, ngăch saơ, njrăng n’gang đah ăp nuĭh dun rlơn, mô an geh ƀư rŭng răng, dun rlơn ƀư roh rnă njrăng, đăp mpăn lĕ rngôch ăp nău rƀŏng khlay. Ƀư uănh nđôi lĕ ta nkual, ngăn lah ta ntŭk hô, rgŏ jă lĕ rmôt, ndeh rklư, ăp trong way kan grot joi ăp ntil nău tih.