Ôi 3/1, Công an n’gor Gia Lai ƀư rƀŭn lôch nau kan năm 2023, ntrŭnh nau kan năm 2024. Nau kan khlay nchrăp luh tâm bôk năm 2024 lah đăp mpăn tâm rnôk tết năm mhe Giáp Thìn dăch tât. Năm 2023, nau đăp mpăn rnă njrăng tâm lam nau rêh jêng bah n’gor Gia Lai geh nâp nâl. Tĭng nê, Công an n’gor Gia Lai hŏ pơk 4 rơh rgot lơh phung tih dôih, mêt uănh, lơh saơ 863 nau tih, đah rlau 1.400 nŭih tih hình sự; nhŭp 855 nŭih, sŏk kân 6,3 rmen prăk plŏ ân nŭih geh nau khuch.

Ntŭk kan Cảnh sát mêt uănh phung tih dôih rƀŭn nchră, đă mhal 1.100 nau tih, đah rlau 2000 nŭih tih, saơ geh mhal 17 nau tih, đah 30 nŭih tih sa khâm, ƀư nau kan, sŏk nsĭt rlau 3,7 rmen prăk. Râng rƀŭn, wa Trương Hải Long-Groi Bí thư n’gor uỷ, Kruanh UBND n’gor Gia Lai đă, năm 2024 Công an n’gor Gia Lai lŏ kơl mbơh nchră nau ân săk tam ân UBND n’gor mpeh nau kan mât đăp mpăn nâp nâl, rnă njrăng chính trị, lơh rdâng ngăn đah ăp phung tih dôih, ngăn lah tâm rnôk Tết năm mhe Giáp Thìn 2024./.