Lơ 24/12/2023, Thủ tướng Chính phủ Phạm Minh Chính hŏ geh Công điện mpeh nau nchrăp njrăng, rdâng ji kăt hô, jŏ jong. Nau ntrŭnh đă njoăl Kruanh UBND n’gor, nkuăl ƀon têh mpeh ba lơ, nkuăl đồng bằng bắc bộ ndrel Bắc Trung bôk ndrel ăp n’gâng kan geh tât, mbơh kloh: Ăp nar rlau aơ, nkuăl Bắc bộ ndrel Bắc Trung Bôk hŏ geh ji kăt hô, jŏ jong, nkuăl yôk prêh geh tŭp pler ƀư khuch tât n’hâm soan nŭih ƀon lan ndrel mat rong, tuch tăm. Gay dơi geh nchrăp rdâng.

 Thủ tướng Chính phủ đă ăp nkuăl ƀư mêt uănh nau mih, sial, nchrăp rđau, ntrŭnh ƀư ăp nau kan gay ma rdâng đah ji kăt, đăp mpăn n’hâm soan đăp mpăn ân ƀon lan njrăng, rdâng ji ngot, ji kăt, srê ji đah tơm tăm, mpa rong, tui ka gay n’huch nau khuch đah tuch tăm. Mô dơi thơ tha, năn ƀư ăp rmôt hăn kan jur rân dâng, ngăn lah ăp xã nkuăl prêh gay ma nkoch trêng, ntĭm nti, mêt uănh, bonh đă nau njrăng, rdâng ji kăt ân ƀon lan, tơm tăm, mpa rong...n’huch ngăn tât nau khuch, đăp mpăn ndơ sa, dak ngêt kơl an nau ŭch bah ƀon lan tâm rnôk dŭt năm ndrel Tết năm mhe./.