UBND nkual ƀon têh Đà Lạt dôl rdâk njêng trong nchrăp an ƀư trong ntĭt hun hao wăng sa măng, tŏng đah nău ŭch geh pâl rlưn, rvăt năp, ngêt sa măng an nuĭh ƀon lan ta ntŭk n'hanh năch hăn pâl nđaih. Tâm trong nchrăp rlong an ƀư wăng sa măng, ta năp măt, Đà Lạt mbra rgum an rlong ƀư công viên nteh dak ta Mir kao nkual ƀon têh, ƀư âk nău kan njroh mprơ ăp măng n'hanh jêng ăp ndrơng ndơ hăn uănh pâl, rvăt năp ta nklang nkual.

Ndrel đah nê, rdâk njêng trong nkual ƀon têh tăch ndơ ngêt sa, njăr trong nkual ƀon têh pâl măng ta du đêt njăr trong n'hanh nkual Quảng trường Lâm Viên. Ăp ntŭk ntĭt leo geh ntŭk rgum kơt ƀư âk bôk nău kan, âk mpưm ntil ndơ tăch gay tŏng geh an pâl rlưn, rvăt năp, ngêt sa măng an năch hăn pâl nđaih. Tâm lvang năm 2023-2030, Đà Lạt mbra an ƀư tay ăp trong ntĭt leo trong hăn jâng, ƀư ăp nău kan njroh mprơ, rvăt năp, hăn uănh pâl wăr n'glău, dăp rgum tay ntŭk tăch ndơ măng tĭng trong têh uĕh mhe, jêng ntŭk rgum wăng sa măng lah ăp ntil ndơ pâl rlưn, ntŭk rgum âk ntil ndơ dŏng.