Ôi ntri (21-8), Mpôl đại biểu Quốc hội n’gor Dak Lak râng rơh ôp rkhêl pơk sŏng dăng ta rơh hop tâl 36 bah Uỷ ban thường vụ Quốc hội.

Râng rơh ôp rkhêl n’hanh ơh nău ôp rkhêl mpeh nkô̆ nău mĭn uănh tĭng ƀư nău kan bah Chính phủ, ăp bộ, ăp n’gâng kan đah 6 Nghị quyết mpeh nău ôp rkhêl n’hanh groi nđôi way nkô̆ bah Ủy ban Thường vụ Quốc hội ntơm bah bôk năm kan Quốc hội khóa XV tât lĕ năm 2023, ta bôk ƀoh Dak Lak, đại biểu Nguyễn Thị Thu Nguyệt, Mpôl Đại biểu Quốc hội n’gor Dak Lak hŏ geh nău ôp tât Bộ trưởng Bộ Nông nghiệp n’hanh Phát triển Nông thôn mpeh nău dơn kan bah n’gâng kan tuch tăm mât rong tâm pah kan dăp rgum n’hanh rdâk njêng dăp rgum. Lôch rnôk djăt nău ơh bah Bộ trưởng Bộ Nông nghiệp n’hanh Phát triển Nông thôn Lê Minh Hoan, đại biểu Nguyễn Thị Thu Nguyệt, Mpôl Đại biểu Quốc hội n’gor Dak Lak uănh năl: Bộ trưởng hŏ geh ăp nău ơh dŭt na nê̆. Bộ Nông nghiệp n’hanh Phát triển Nông thôn hŏ geh ăp trong rƀŏng rđău đă tơm đŏng. Yơn nău tât geh ngăn ngăn aƀaơ tâm nkô̆ nău hun hao n’gâng kan tuch tăm  mât rong ta tĭng n’gor n’hanh tĭng nău  ŭch geh bah nuĭh ƀon lan.