Ôi 25/12 ta Ntŭk rgum tâm nchră neh dak Mỹ Đình, Thủ đô Hà Nội, 995 đại biểu râng Đại hội đại biểu lam dak Hội Nông dân Việt Nam tâl VIII, năm kan 2023 - 2028 lăp nar pah kan bôk năp. Tâm nar pah kan bôk năp, Đại hội djăt mbơh rblang trong nchrăp kiểm điểm bah Ban Chấp hành Trung ương Hội Nông dân Việt Nam khóa VII; djăt siƀŭt mbơh rblang mpeh nău rgâl nkra, kơi ntop Điều lệ Hội Nông dân Việt Nam n’hanh trong nchrăp Điều lệ Hội Nông dân Việt Nam rgâl nkra; djăt siƀŭt n’glêh an njêng ăp Ntŭk rgum tâm nchră n’hanh ntĭm nti tâm nchră.

Nar pah kan bôk năp đah âk nău kan khlay lah: sơch mpôl Kruanh; Mpôl Thư ký; Ban thẩm tra đah nău ƀư lah nuĭh ntơh măt; mbơh lôch jêh hăn ôp uănh di tay đah nău  ƀư lah nuĭh ntơh măt; ƀư uănh an dŏng ma bôk nău kan bah Đại hội; uănh an dŏng rêng pah kan bah Đại hội. Lor rnôk lăp tâm rơh pah kan bôk năp, Kruanh Hội Nông dân Việt Nam Lương Quốc Đoàn leo mpôl ntơh măt râng Đại hội hŏ tât an kao si lăp Lăng weh chop Kruanh Hồ Chí Minh; mpoh nhang nkah gĭt ăp tahen ơm dăng janh, tahen ơm khĭt ta ndah nkah gĭt Bắc Sơn, Ba Đình, Hà Nội.